Qazaq handyǵynyń 550 jyldyǵyna oraı ashylǵan «Nazarbaev Nursultannyń nurly joly» respýblıkalyq qoǵamdyq birlestigi óz jumysyn bastady. Taldyqorǵandaǵy jýrnalıser úıiniń májilis zalynda arnaıy baspasóz máslıhatyn ótkizgen qoǵamdyq birlestik músheleri tilshiler qaýymynyń qoıǵan suraqtaryna jaýap berip, birlestik jumys josparymen tanystyrdy, - dep habarlaıdy «Qamshy» portaly.
Qoǵamdyq birlestiktiń negizgi maqsaty - Elbasymyzdyń eńbekteri men kitaptaryn «Nazarbaev Nursultannyń nurly joly» aıdarymen jınaqtaý, zertteý, mazmunyn jastarǵa nasıhattaý, shet tilderine aýdarý, mektep pen joǵary oqý oryndarynyń oqytý baǵdarlamasyna engizý sekildi asa aýqymdy jumystardy qamtıdy. Osyǵan baılanysty qazaq mádenıeti han mádenıetin jańǵyrtýǵa, nasıhattaýǵa, damytýǵa oraı ıgi sharalar júzege asyrylady. Sonymen qatar, qoǵamdyq birlestiktiń jumysyna Elbasy ruqsat berip, Prezıdent keńsesiniń basshysy Mahmud Qasymbekov qoldaý kórsetken.
«Nazarbaev Nursultannyń nurly joly» respýblıkalyq qoǵamdyq birlestiginiń ashylýyna arnalǵan baspasóz máslıhatynda birlestik perzıdenti Ánýar Qabdolda, birlestik hatshysy Asylan Qońyrhanov sóz sóılep, jas aqyn Janatbek Aıdaraly jyrdan shashý shashty.
Uly dala urany
Nazarbaev Nursultannyń nurly joly
Tektilikten tekti jol.
İzgilikten izgi jol.
Uly shyńǵys muraty,
Álmısaqtan ata jol.
Qasymhanda qasqa jol.
Esimhanda eski jol.
Jeti jarǵy áz Táýke,
Qasıetti qazaq jol.
Beıbit joly bekem jol.
Tynyshtyǵyń týra jol.
Uly dala urany,
Nursultanda Nurly jol.
San ǵasyrlar sara jol.
Darhan minez dara jol.
Beıbit úshin shyr etip,
Belin býǵan jańa jol.
Shań qaptyrmaı shapshań jol.
El birligin tapqan jol.
Tynyshtyqty tý etip,
Daýdyń jolyn kesken jol.
Taý balasy kóshken jol.
Qala ustap ósken jol.
Astanasyn saldyryp,
Tóbesi kókke jetken jol.
Eýrazıa tóbe jol.
Azıaǵa aǵa jol.
Din men dildi bir etken,
Adamzatqa dana jol.
Uly dala urany
Nursultanda nurly jol!
Ánýar Qabdolda
