Qyzylorda turǵyny asyqqa uqsaıtyn kólik jasap shyǵardy, - dep habarlaıdy «Qamshy» portaly 24-arnaǵa silteme jasap.

Qyzylordalyq Aqdıdar Ábdihalyqov ulttyq naqyshtaǵy asyq pishindes kóliktiń úlgisin jasap shyqty. Qazaqy oıý-órnekterimen kómkerilgen bul kólikti qurastyrýǵa bir jylǵa jýyq ýaqyt ketipti. Avtor týyndysyna «Asyqpa!» dep aıdar taqqan. Kóliktiń qańqasyn aǵashtan ıip, bylǵarymen qaptap, qyran búrkittiń beınesin utymdy úılestire bilgen. Temir tulpardyń jyldamdyq tetigi qamshyǵa, al oryndyqtary asyqqa uqsaıdy. Aqdıdar tyń dúnıeni jasaý úshin tipti óziniń jeńil avtokóligin satyp jiberipti. Oıy ushqyr qyzylordalyq tól týyndysynyń dızaınyn endi patenttep almaqshy. Aqdıdar Ábdihalyqov, qala turǵyny: - Buny ózimizde qoldanyp, ózimiz maqtanysh etkendi táýir kóremin. Elbasymyzǵa syıǵa tartqym keledi. Patentin Elbasyǵa syıǵa bersem deımin. Asyq oıyny umyt qalmas úshin jasalǵan dúnıeniń biri.