«Atameken» tulttyq kásipkerler palatasy Memleket basshysynan bıznesti damytý úshin Birińǵaı zeınetaqy jınaqtaýshy qorynan qarajat bólýdi suramaqshy. Bul týraly «Qamshy» portaly LS- ke silteme jasap habarlaıdy.

Palatanyń basqarma tóraǵasy Abylaı Myrzahmetov bıznesti BZJQ-dan qarjylandyrýǵa qazirgi tańda eshqandaı tyıym joq ekenin aıtady.

«Biz osyndaı suranys jasaıtyn bolamyz. Memleket basshysy mundaı qadamdarǵa áýes bolmaý kerektigin aıtqan bolatyn. Biraq, bul múldem aqsha bermeý kerek degendi bildirmeıdi. Ondaı tyıym joq. Biz BZJQ-ny basqarý jónindegi keńesti sendire alamyz, qordan belgili bir somadaǵy qarajat bólinedi dep oılaımyz. Sebebi, bizge bank sektoryn qoldaý kerek», - deıdi ol.

Onyń oıynsha, búginde bıznes aınalymdaǵy qarajatqa zárý. Qymbat qurylǵylar satyp alý úshin olarǵa palata tıisti quraldar men sýbsıdıa bólýi kerek eken.

Sondaı-aq, palata basshylyǵy qańtar-aqpan aılarynda oblys ákimderimen, kásipkerlermen kezdesip, otandyq bıznesti damytý máselelerin pysyqtaýdy josparlap otyrǵan kórinedi.