Almaty oblysynda joǵary synyp oqýshylaryna seksýaldyq qysym tanytty delingen mektep muǵaliminiń ústinen qylmystyq óndiris qozǵaldy, - dep habarlaıdy «Qamshy» portaly Tengrinews.kz – ke silteme jasap.

Qylmystyq óndiris respýblıkalyq daǵdarys ortalyqtarynyń birinen polısıa bólimshesine kelip túsken habarlamadan keıin bastaldy. Osy derek boıynsha Uıǵyr aýdanyndaǵy mektepterdiń biriniń muǵalimine kúdik kelip otyr.

"Respýblıkalyq ulttyq jelisiniń senim telefonyna anonımnen qońyraý tústi. Bizdiń qyzmetkerler aqparatty tekserip jatyr. Tergeý negizine uıaly telefonǵa túsirilgen vıdeo men tórt oqýshynyń bergen túsinigi alyndy", - dedi oblystyq İİD ókilderi. Uıǵyr aýdandyq İİB qyzmetkerleri kúdiktiden jaýap alý ústinde.