Kolesa.kz saıtynyń sarapshylary Qazaqstannyń qoldanysta bolǵan avtomobılderi naryǵyndaǵy belsendiliktiń tómendegenin aıtty.

2015 jyly avtomobıl naryǵynda birneshe mańyzdy oqıǵa boldy:

Reseıden jańa jáne qoldanysta bolǵan avtomobılderdiń jappaı ákelinýi; avtosalondarda kólik satylymynyń kúrt báseńdeýi (buǵan memlekettik baǵdarlamalar da, avtonesıeleý de bóget bola almady);

teńge baǵamynyń tómendeýi.  

"Kóptegen satýshyǵa eki másele jazdyń sońyna deıin sheshýsiz qaldy: satylatyn avtomobıldiń baǵasy qandaı bolý kerek jáne ony qazir qandaı valútamen satqan qolaıly? Kóp adam kólikterin satýǵa da, satyp alýǵa da asyqpady", - dedi basylym mamandary.

Ótken jyldyń basynda saıtta avtomobıldiń satylatyny týraly jarnama sany jarty mıllıonǵa jýyq bolsa, jyl sońyna qaraı ol 350-360 myńǵa deıin azaıǵan. Avtomobıl satylymynyń sharyqtaý shyńy aqpanda bolypty.

Al qyrkúıek aıynda saıtta avtomobıl satý týraly 339 810 jarnama ǵana jarıalandy. Qazan aıynda bul kórsetkish 352 951-ge jetti. Sarapshylar avtomobıl satylymynyń azaıýy ulttyq valútanyń quldyraýymen tikeleı baılanysty dep otyr.