Býrkına-Faso astanasynda sodyrlar basyp alǵan Splendid qonaqúıinde kepilge alynǵan azamattardy azat etý operasıasy aıaqtaldy.  Esterińizge sala keteıik, búgin túnde Býrkına-Faso astanasynda qlańkester qonaqúıdegi adamdardy tutqynǵa alǵan bolatyn. Qaskóılerdiń qolynan 23 adam ajal qushyp, taǵy 126-sy bosatylǵan. Olardyń 33-i jaralanypty. 3 sodyrdyń kózi joıyldy. Qandy qyrǵyn úshin jaýapkershilikti «Ál-Kaıdamen» baılanysy bar bar lańkestik top óz moınyna alǵan. Sońǵy málimet boıynsha sodyrlar irgeles Ybi qonaqúıin basyp alǵan. Sondaı-aq Býrkına-Fasonyń soltústiginde lańkester Avstrıadan barǵan dáriger men onyń áıelin urlap ketken.

Marıetta Kınoý, kýáger:

- Biz munda AQSH-tan kelgen dostarymyzdy shyǵaryp salý úshin kelgenbiz. Olarmen birge «Kappýchıno» meıramhanasyna kirip, tapsyrys bergen betimiz edi. Kenetten oq atyldy. Biz ólgen kisi sekildi jerge jata qaldyq. Olar ǵımaratqa ot qoıdy. Tynysym tarylyp, qatty qınaldym. Sińilim ekeýimiz terezeden qashyp shyǵyp, syrtta turǵan kóliktiń astyna jasyrynyp úlgerdik. Tártip saqshylary kelip qutqarǵansha biz osylaı 45 mınýt jatyppyz. 

Derekkóz: 24-arna