Batys Qazaqstan oblysynda "Lada-Prıora" men Volkswagen Sharan kólikteri soqtyǵysty. Jol-kólik oqıǵasynan 3 adam qaza tapty, - dep habarlaıdy "Qamshy" portaly Tengrinews.kz -ke silteme jasap.

Jol-kólik oqıǵasy 17 qańtarda shamamen keshki saǵat beste Oral - Aqsaı avtojolynda Terekti aýdanyna qarasty Kolýzanovo aýylynyń mańynda bolǵan. 

"Bizdiń qyzmetkerler oqıǵa ornyna kelgende "Lada" jol jıeginde jatty. Sharan jolda turdy. Onyń júrgizýshisi tizgin men qańqanyń ortasyna qysylyp qalǵan. Bizdiń qutqarýshylarymyz metaldy maıystyryp, er adamdy alyp shyqty. Ol tiri boldy, ony dárigerler alyp ketti. "Lada" kóliginen orta jastaǵy er adam shyǵaryldy. Ol oqıǵa ornynda jap tapsyrǵan. Biz kelgenshe oqıǵa ornynda kýágerler "Prıoradan" eki adamnyń - áıel men erdiń máıitin alyp shyqqan eken. Sonymen qatar, kýágerlerdiń aıtýynsha, kólikterdiń birinde sábı bolǵan. Ol ne jedel járdem kóligimen, ne kýágerlerdiń kóligimen aýrýhanaǵa áketilgen. Ol tiri bolǵan", - dep habarlady Oral qalalyq qutqarý qyzmeti basshysynyń orynbasary R. Nurǵalıev.

INFORMBIRJA basylymynyń málimetinshe, qaza bolǵandardyń aty-jónderi anyqtaldy - "Lada" júrgizýshisi

Qaıyrov Nurlan Maqsutuly, 1979 jylǵy, sonymen qatar, "Ladanyń" jolaýshysy Mýsına Sholpan Sársenbaeva (1989 jylǵy) jáne Qaıyrqulov Altynbek Ámiruly (1994 jylǵy).

"Volkswagen Sharan avtomobıliniń tizgininde Jumabekov Qanat Amanǵalıuly bolǵan, 1975 jylǵy, ol aýrýhanaǵa tústi, jolaýshylary tiri, olardyń ekeýi jeńil jaraqatpen aýrýhanaǵa tústi. Aldyn ala málimet boıynsha, oqıǵaǵa Volkswagen Sharan júrgizýshisi kináli, muztaıǵaqtan avtomobıl qarsy bettegi jolaqqa shyǵyp ketken", - dep habarlady resýrs.

Al "Ýralskaıa nedelá" gazeti oqıǵa ornynda túsirilgen vıdeony jarıalady.

Osyǵan deıin Oral-Aqsaı tasjolynda polısıa kóliginiń qatysýymen taǵy bir jol apaty bolǵan edi.