Berlınde Taıaý Shyǵystan kelgen birneshe bosqyn Reseıdiń týmasy delingen 13 jastaǵy qyzdy jabylyp zorlaǵan. Jantúrshigerlik osy oqıǵa Reseılik nemisterdiń Halyqaralyq konventiniń saıtynda jarıa boldy, - dep habarlaıdy "Qamshy" portaly. Qyzdyń aıtýynsha, ony kem degende bes adam ustap alyp, kólikke salyp, keıin kózin baılaǵan. Keıin bos páterge ákelgen, bólme ishinde bir ǵana tósek orny bar eken. Osydan keıin, qyzdyń aıtýynsha, olar ony 30 saǵat boıy zorlapty. Es-tússiz qyzdy bosqyndar Berlındegi aýdandardyń birinde tastap ketipti. Berlın polısıasy bul málimetti resmı túrde rastamady. Qyzdyń mektepke bara jatqan kezinde joǵalyp ketkeni aıtylady. Onyń týystary qyzdy bir táýlikten keıin tapqanyn aıtady. Qyzdyń aǵasy bolsa polısıanyń bul oqıǵaǵa qajetti túrde nazar aýdarmaǵanyn, sondyqtan BAQ-tyń kómegine júginýge týra kelgenin habarlaǵan. Telearna tilshileriniń málimetinshe, Facebook áleýmettik jelisinde túr-keskini arabtarǵa uqsas er adamnyń qyzdy zorlaǵanyn moıyndaǵan sáti beınelengen vıdeo jarıa boldy.