Búgingi qor naryǵyndaǵy tańǵy saýdada AQSH dollary birden 13 teńgege qymbattap, jańa baǵam 372,58 teńgeni qurady, - dep habarlaıdy «Qamshy» portaly.
Kúni keshe Iranǵa AQSH tarapynan qoıylǵan sanksıalardyń alynyp tastalýyna baılanysty munaı baǵasynyń quldyraıtyny, soǵan saı munaı eksporttaýshy elder óz valútalaryn qunsyzdandyratyny boljanǵan bolatyn. Sol boljam bekerge shyqpady.
Buǵan deıin AQSH valútasy baǵamynyń eń joǵarǵy shegi 12 qańtar kúni 367,61 teńgeni quraǵan edi. Al, 15 qańtar kúni teńge birshama nyǵaıyp, dollarǵa shaqqandaǵy baǵamy 359,3 teńgeni qurady. Muny kóp elder Májilis saılaýyn ótkizý týraly bastamanyń shyǵýymen baılanystyrdy.
