Qytaıdyń Gan-Djan qalasynyń turǵyny qytaıdyń usaq nomınaldy aqshalaryn jınap, kólik satyp almaq bolǵan. Jınaǵan aqshasyn júk kóligine tıegende, jarty tonna salmaq tartqan. Bul týraly Qytaıdyń «Shalqar» saıty habarlady.

Saıttyń jazýynsha, 11 qańtar kúni tústen keıin Gan-Djan qalasynyń turǵyny aqsha tıelgen júk mashınasymen kólik salonyna baryp, óziniń jeńil avtokólik satyp alatynyn aıtqan. Bul aqshany kórgen salondaǵylar ań-tań bolǵan.

Mashına satý ortalyǵynyń basshysy Gýań Iýan myrza birneshe qyzmetkerin kómekke shaqyryp, aqshany sanaı bastaıdy. Aqsha jeke-jeke býmalarǵa oralǵan eken. Olardyń ishinde 10, 20, 50 tıyndyq aqshalarmen qatar, eń úlken somadaǵy bankota 1 ıýán bolǵan. Budan basqa túrli nomınaldy usaq baqyr aqshalar da bolǵan. Tek usaq tıyndardyń ózi 80 myń ıýándi quraǵan.

Aqshanyń kóptigi sonsha, ony sanap jatqanda salonnyń ishin aqshanyń ısi alyp ketken.

Qazaqstannyń ulttyq valútasynda bar nomınaldarmen eseptesek, bul jaǵdaı 15 myń dollar kólemindegi aqshany 50 teńgelik monetalarmen jınaǵanmen teń.