«Siz ne oılaısyz?» degen «Feısbýktiń» suraǵyna  jaýap.

«Feısbýkke» tirkelýime  birden-bir  sebepker bolǵan daryndy jas,  tanymal  «Qamshy» portalynyń basshysy ári negizin  qalaýshy Bilál  Qýanysh baýyrymyz.

Ol:–«Siz áleýmettik  jelilerdi  kóp  qaramaıdy ekensiz.  Bizde  shyqqan   materıaldaryńyzdy «Feısbýkkede»  salamyz.  Pikir bildirýshilerińiz  kóp»,- dedi, eki-úsh jyl  buryn   Almaty  qalasynda  kezdeskende.  2015 jyldyń  basynan «Feısbýkti» ara-tura  qaraıtyn  boldym. Al,  onyń  mol  múmkindikteriniń  baryna  «Uly  Dala  Eli-Ulttyq  Rýhanıattyń Mekeni» atty  patrıottyq  is-sharany  2016 jyldyń  12 qańtary   kúni   Almaty  qalasynda  ótkizý  barysynda  kózim  jetti. Biz,  jınalysqa almatylyqtardy  «Feısbýk» arqyly   shaqyrdyq.  Sonyń  nátıjesinde   adamdar  sharaǵa   kóp  jınaldy. 

Al, osy «Feısbýktiń» «Siz ne  oılaısyz?» degen saýalynda  túsingen   janǵa óte tereń maǵyna jatqany   anyq.  Shynynda, men neni  oılaımyn. Árıne, birinshiden,    azamat retinde  Otanymnyń  búgini men  bolashaǵyn   oılaımyn. Meniń  týǵan  otanym- Qazaqstan  Respýblıkasy! Ol týraly  aýrýhanada   qınalyp  jatqanda  jazǵan  «Otan» atty   áńgimem  bar. Sonymen   sizderdi  tanystyraıyn...

Eń  aldymen, respýblıkamnyń   búgini men  bolashaǵynyń  ádiletti   bolǵanyn   qalaımyn.

Ekinshiden,  týǵan  memleketimde ekonomıka men ıdeologıa   qyran  qustyń   qos  qanatyndaı   birdeı  bolǵanyn  qalaımyn.  Uly  Dala  elinde  ulttyq  rýhanıattyń  berik  qalyptasýyn  qalaımyn.

Úshinshiden,  Qasıetti  jerimizdi     jemqorlar men jezókshelerden  tazartý. Olardy ólim  jazasyna  tartý    Tiri  qalǵan jemqorlar men  jezókshelerge  teris bata berip,  teris  atqa  mingizip  barsa  kelmeske   jer  aýdaryp, qoǵamdy  las  adamdardan   aryltyp otyrý   kerek.

Tórtinshiden, balalarymmen  nemerelerimniń bolashaǵy  qalaı  bolady dep alańdaımyn.  Olar  qandaı  qoǵamda  ómir   súredi?  Ákem,  marqum Túgel  myna sózdi jıi  qaıtalap  aıtyp  otyratyn: «Azamat taza  bolý  kerek.  Azamattar  taza   bolsa,  qoǵam  taza  bolady.  Qoǵam    taza  bolsa,   memleketimiz  myqty  bolady».

Besinshiden, qazaqtyń  árbir úıinde yrys pen bereke,  qýanysh pen  shattyq,  molshylyq pen  baqyt  bolǵanyn   qalaımyn.

Sádibek Túgel

 «Uly  Dala  Qyrandary» respýblıkalyq  qoǵamdyq   mádenı-áleýmettik  qozǵalysynyń  teń  tóraǵasy,  QR eńbek  sińirgen  qaıratkeri,  jazýshy.

 «Otaý túsken» aýyly