Almatyda №65 baǵytyndaǵy avtobýstardyń segiz júrgizýshisi jumystan shettetildi, - dep habarlaıdy «Qamshy» portaly Tengrinews.kz -ke silteme jasap.

"Bul júrgizýshiler jumystan shettetildi, qazir qyzmettik tergeý júrgizilip jatyr. Tergeý nátıjesine baılanysty shara qoldanylady. Olar jumystan shyǵarylýy múmkin", - degen avtopark qyzmetkerleri.

Kompanıa ókilderiniń aıtýynsha, janjal avtobýs júrgizýshisi Tańat Musaev pen "Almaty kólik holdıńi" JSHS qyzmetkeri arasynda shyqqan. "Keshe kólik holdıńiniń qyzmetkerleri júrgizýshiniń jolaýshylardan aqsha alǵanyn anyqtaǵan. Bul oqıǵaǵa osy jaǵdaı sebep boldy. Holdıń qyzmetkerleri júrgizýshini aqsha jınaǵany úshin jaýapqa tartý maqsatynda polıseılerdi shaqyrady. Degenmen bizdiń júrgizýshi kináli emes ekenin aıtyp, qujattaryn kórsetýden bas tartqan. Oqıǵa bolǵan jerge júrgizýshini qoldaý úshin 65-baǵyttaǵy avtobýstardyń basqa da júrgizýshileri keldi. Olar Abaı kóshesi boıynda turyp alyp, elektrondy bılet júıesine narazylyq tanytty", - deıdi kompanıa ókilderi.

Esterińizge salsaq, keshe №65 baǵytta qatynaıtyn avtobýs júrgizýshileri Almaty qalasynda ereýilge shyqqan bolatyn.