Búgin Shyǵys Qazaqstan oblysynda kún raıynyń kúrt sýytýyna baılanysty mektepterde sabaqtar toqtatyldy, - dep habarlaıdy «Qamshy» portaly QazAqparatqa silteme jasap.

Óskemende aýanyń temperatýrasy -30 gradýs, onda 1-2 aýysymda oqıtyn 1-11 synyp oqýshylary úshin sabaqtar júrgizilmeıdi, Semeıde odan bir gradýs tómen - munda eki aýysymdaǵy 1-11 synyp oqýshylary, kolejderdiń İ jáne İİ kýrs stýdentteri úshin sabaq toqtatylǵan.

Zyránda 33 gradýs aıaz, onda 1 jáne 2 aýysymmen oqıtyn 1-9 synyp oqýshylary úshin sabaq bolmaıdy.

Rıdderde 30 gradýs aıaz, 1-2 aýysymmen oqıtyn  1-11 synyp aralyǵyndaǵy oqýshylar úshin sabaq toqtatylǵan.

Óńirdegi 20 qańtarǵa arnalǵan gıdrometeoboljam: soltústikten 9-14 m/s jyldamdyqpen jel soǵady. Túnde aýanyń temperatýrasy 33-38 gradýs, keı jerlerde 23-28 gradýs, kúndiz - 25-30 gradýs, keı jerlerde 15-20 gradýs aıaz bolady, jaýyn-shashynsyz, keıbir jerlerde tuman túsedi.