Sársenbi Amerıka naryǵyndaǵy munaı qory týraly eseptiń jarıalanýy qarsańynda munaı baǵasy tómendep ketti. Atalmysh esepte qordyń ulǵaıǵandyǵy jarıa etilýi múmkin, - dep habarlady Bloomberg agenttigi.
Brent markaly munaı barreliniń naýryzǵa fúchersteriniń baǵasy ICE Futures londondyq bırjada Astana ýaqytymen saǵat 11:00-ge qaraı 1,75% arzandap 28,26 dollar boldy.
WTI munaıynyń bir barreliniń aqpandaǵy fúcherstik baǵasy Nú-ıork taýar bırjasynda (NYMEX) 2,74% tómendep, $27,68 boldy.
Halyqaralyq energetıkalyq agenttik (MEA) aı saıynǵy sholýynda «naryqqa Iran shyqqandyqtan jáne shıkizatqa suranys qarqynynyń baıaýlaýyna baılanysty munaı ary qaraı arzandaıdy» dep boljap otyr.
