QR Parlament Májilisiniń depýtaty, halyqaralyq ister, qorǵanys jáne qaýipsizdik jónindegi komıtet tóraǵasy Máýlen Áshimbaev aldaǵy Parlament saılaýynda Májiliske kemi 3 partıa ótetinin boljaıytynyn aıtty, - dep habarlaıdy «Qamshy» portaly zakon.kz-ke silteme jasap.

Májilistiń búgingi plenarlyq otyrysynan soń jýrnalıser saýalyna jaýap bergen depýtat alda ótetin kezekten tys Májilis saılaýyna qatysty pikirimen bólisken.

«Parlamentte partıalar sany neǵurlym kóp bolsa, soǵurlym halyqtyń túrli toptarynyń múddeleri Parlamentke jetedi. Men kóp partıalyq júıeni jaqtaımyn. Sondaı-aq, «Nur Otan» partıasynyń múshesi retinde kelesi saılaýda da bizdiń partıa jetekshi oryndy ıelenedi dep úmittenemin», - degen Májilis depýtatynan jýrnalıser saılaý qorytyndylaryna baılanysty boljamdaryn surady.

«Bul jerde boljaý qıyn, árıne. Biraq, meniń oıymsha Májiliske keminde 3 partıa ótetin sıaqty. Bul – meniń boljamym. Qazirgi Májilistegi partıalar ózderin jaqsy kórsete aldy. Basqa partıalar da Májiliske ótkileri kelse ózderin tanytýlary kerek», - deıdi M. Áshimbaev.