Halqymyz salt-dástúriniń bilgiri, elimizdegi murajaı isiniń damýynda ózindik qoltańbasyn qaldyrǵan memleket jáne qoǵam qaıratkeri, ǵalym-etnograf Ózbekáli Jánibekovtiń týǵanyna bıyl 85 jyl.  Osyǵan oraı, 19 qańtar kúni «Áziret Sultan» memlekettik tarıhı-mádenı qoryq-murajaıynda «Ómiri ónegeli Ózbekáli» kórmesiniń tusaýkeseri ótti, - dep habarlaıdy «Qamshy» portaly.

Kórmeniń ashylý saltanatyn «Áziret Sultan» qoryq-murajaıynyń dırektory J.Áýbákir ashyp, Ó.Jánibekovtiń elimizdiń mádenı-rýhanı damýyna qosqan úlesine toqtaldy. Túrkistan etnopedagogıkalyq koleji jáne №1 A.Baıtursynov atyndaǵy qazaq orta mektebi ujymyna qoryq-murajaı tarapynan uıymdastyrylatyn sharalarǵa atsalysqany úshin alǵys hatpen marapattalyp, syı-sıapattar jasaldy. Túrkistan qalasynyń qurmetti azamaty E.Bımaǵanbetuly Ó.Jánibekov jaıly estelik tolǵanystaryn bildirse, Túrkistan etnopedagogıkalyq kolejiniń dırektory A.Serim Ó.Jánibekovtyń muralary, atqarǵan eńbekterin jas-jetkinshekterge nasıhattaýda murajaı roliniń erekshe ekendigin atap ótti.   

Kórmeni tamashalaýǵa qala ákimshiligi, oqý oryndary qalyń kópshilik qatysty. Kórme jyl sońyna deıin jumys jasaıdy.