ءبورى جوق دەمە، بورىك استىندا
جاۋ جوق دەمە، جار استىندا،
دەپ بابالارىمىز بەكەر ايتپاسا كەرەك. كەلمەسكە كەتتى دەگەن كەڭەس وداعىنىڭ "شىراقشىلارى" ءالى دە بار ەكەن... اتا-انالارىمىز "لەنين ءبىزدىڭ اتامىز" دەپ بولشيەۆيكتەر ءانىن شىرقاپ ءوستى، ەندى بالالارىمىزدىڭ ءپۋتيندى "اتا" قىلماسىنا كىم كەپىل؟
ەۆرازيالىق ەكونوميكالىق وداقتىڭ قولداۋشىلارى ماسكەۋ قالاسىندا كۇننەن كۇنگە كوبەيۋدە. «ورىس كوسميزم» (رۋسسكيي كوسميزم — ەتو وتەچەستۆەننىي پويسك پريميرەنيا سەننوستەي تراديسيوننوگو وبششەستۆا س ديناميكوي سيۆيليزاسيي بۋدۋششەگو. ۆ ءنوم ۆىراجەنا پلانەتارنايا نادەجدا: يدەي ۆسەوبششەگو براتستۆا، نراۆستۆەننوي وتۆەتستۆەننوستي، بەرەجنوگو وتنوشەنيا چەلوۆەكا ك چەلوۆەكە ي ك پريرودە) باعىتىن ۇستانعان ورىس جاستارى ماسكەۋ قالاسىندا «مولودايا ەۆرازيا» ("جاس ەۋرازيا") اتتى قوزعالىس قۇرىپتى. قوزعالىس وتە اۋقىمدى. قۇرامىندا ورىس جاستارىنان باسقا، ماسكەۋ قالاسىندا وقيتىن وزگە ۇلت وكىلدەرى بار، اراسىندا ءوزىمىزدىڭ قارا كوز باۋىرلارىمىز دا ءجۇر. وسى كەزگە دەيىن رەسەيدىڭ بىرنەشە قالاسىندا اكسيا، ميتينگ وتكىزگەن. سەمينار، كونفەرەنسيا، لەكسيا، ۇيىمدىق ەڭبەك تاجىريبەسى، جازدىق ساياسي لاگەر، ميتينگ ۇيىمداستىرعان. ەۋرازيالىق جاستار پارلامەنتىڭ قۇرىپ تا ۇلگەرىپتى. جەتەكشىسى يۋريي كوفنەر، حاتشىسى ەلنۋر مەحتييەۆ. بولىمشەلەرى تيراسپول، باكۋ، كالينينگراد، كييەۆ، ۋفا، گروزنىي، ساراتوۆ، پەتروزوۆودسك قالالارىندا دا بار.
ءبىر قىزىعى، بۇل ۇيىمنىڭ بولىمشەسى ءبىزدىڭ قوستاناي قالاسىندا قۇرىلعان، جەتەكشىسى ەۆگەنيي كوشتەنكا. ماقساتى: بۇرىنعى كەڭەس ۇكىمەتىنىڭ ورنىن باساتىن ەۋرازيالىق وداق قۇرۋ، «ورىس كوسميزم» فيلوسوفياسىن دامىتۋ. ءبىر مەملەكەت، ءبىر مادينەت، ءبىر ۇلت، ءبىر ازاماتتىق بولعانىن قالايدى ەكەن. كەرەك دەسەڭىز، ورتاق شەكارا، اسكەر، ۆاليۋتانى كوكسەيتىن كورىنەدى. «ەۆرووداق» ۇيىمىن، ەۆروپا ساحناسىنان السىرەتىپ، ونىڭ ورنىن «ەۋرازيالىق وداقپەن» باسۋى كەرەك، ولاردىڭ پىكىرىنشە. «ەۆرازيالىق وداق» اتاۋى وسىنداي ارام پيعىلدان تۋىنداعان. سپەسناز فورماسىن كيگەن اسكەري جاساعى بار. ارماندارى بۇرىنعى قىلىشىنان قان تامعان قىزىل يمپەريانى ورنىنا كەلتىرۋ، حح عاسىرداعى «ورىس كوسميزم» فيلوسوفيا وكىلدەرى، كنياز الەكساندورۆيچ چحەدزە، نيكولاي سەرگەيەۆيچ تۋربەسكوي ۆلاديمير يۆانوۆيچ ۆەرنادەكيي ت.ب يدەيالارىن ناسيحاتتاۋ. قازىرگى رەسەي پرەزيدەنتى ءپۋتيندى ءپىر تۇتادى. ۇراندارى؛ «ەۆرازييسكيي سويۋز-بولشايا رودينا، «روسسيا - پرەكراسنايا سترانا». 
قازىرگى بيلىككە كەلگەن ۋكراينا وپپوزيسياسىن ايىپتاپ، ۋكرايندارعا گۋمانيتارلىق قول سوزباقشى بولعان تۇرىكتەردىڭ ۇسىنىسىن پروۆاكاسياعا تەڭەگەن. الەم ساياسي ساحناسىندا اقش-تى ىسىرىپ، الەمدى بيلەگىسى كەلەدى. يدەيالارى شوۆەنيستىك باعىتقا تولىپ تۇر. بۇل ۇيىمدى رەسەي بيلىگى قارجىلاندىراتىن سەكىلدى. قازاق مەملەكەتى ءۇشىن بۇل ۇيىم وتە ءقاۋىپتى!
ماقسات ەربولات
