مۇنداي پىكىردى استانادا «الاش» ۇلت-ازاتتىق قوزعالىسىنىڭ كوسەمى ءاليحان بوكەيحاننىڭ تۋعانىنا 148 جىل تولۋىنا وراي وتكەن «ءاليحان بوكەيحان. ماركسيزم قاعيداسىنان ۇلتتىق «الاش» يدەياسىنا دەيىنگى ەۆوليۋسيالىق جول» اتتى رەسپۋبليكالىق كونفەرەنسياعا قاتىسقان عالىمدار ايتتى، دەپ حابارلايدى BAQ.KZ ءتىلشىسى

«شوقاننىڭ 6 تومدىعى مەن الكەي مارعۇلاننىڭ كەيبىر عىلىمي ماقالالارىنىڭ قازاقشا نۇسقاسىن وقۋعا بولمايدى. سەبەبى، وتىرىك اۋدارىلعان. ءا.مارعۇلاننىڭ ەڭبەكتەرىندەگى اۋدارا الماعان جەرلەرىن تاستاپ كەتكەن»، - دەدى ءا.باكىر. عالىم ءاليحان بوكەيحاننىڭ ءاتى-جونى كوپ جەردە «ءاليحان بوكەيحانوۆ» دەپ جازىلىپ جۇرگەنىنە دە وكىنىشىن ءبىلدىردى. «دۇرىسى، ءاليحان بوكەيحان. ءبىزدى ۇجىمدىق سانا قالىپتاسپاعاندىقتان كوپ ءىسىمىز جولعا قويىلماعان. الداعى ۋاقىتتا بارلىق جەردە «ءاليحان بوكەيحان» بولىپ جازىلۋىن تالاپ ەتۋىمىز كەرەك»، - دەدى الاشتانۋشى. كونفەرەنسياعا قاتىسۋشى عالىمدار ءسابيت بايدالى مەن ءابدىجامىل باكىردىڭ سوزدەرىن قۋاتتايتىندىقتارىن جەتكىزدى.