تاراز پوليتەحنيكالىق كوللەدجىنىڭ ستۋدەنتى ۆيكتور پروكوپەنكونى ىزدەۋ شارالارى ءبىر اپتا بويى ناتيجە بەرمەگەن، - دەپ حابارلايدى «قامشى» پورتالى.
1997 جىلى تۋعان، پوليتەحنيكالىق كوللەدجدىڭ 2-كۋرس ستۋدەنتى ۆيكتور پروكوپەنكو 2 ناۋرىز كۇنى كوللەدجگە كەتىپ، قايتىپ ورالماعان. سوڭعى رەت ونى سول كۇنى ساباقتان سوڭ وقۋ عيماراتىنىڭ الدىنداعى ورىندىقتا وتىرعانىن كورگەندەر بار.
ۆيكتوردىڭ اكەسى پەتر پروكوپەنكو ۇلىنىڭ ءبىر جەردە جۇمىس ىستەپ ءجۇرۋى دە مۇمكىن ەكەنىن ايتادى.
«پوليسيا، ەرىكتىلەر، بارلىعى ىزدەپ جاتىر. ازىرگە ەش ناتيجە جوق. سوڭعى ۋاقىتتا ۇلىمنىڭ ساباعى ناشارلاپ كەتكەن ەدى. شاكىرتاقىدان ايرىلدى. مۇمكىن، ول ءبىر جەردە جۇمىس ىستەپ جۇرگەن بولار... ءتىپتى، نە ويلارىمدى بىلمەيمىن»، - دەيدى ول.
سونداي-اق، ۆيكتوردىڭ ساباققا كەتەردى قالتا تەلەفونىن ۇيىنە قالدىرىپ، وزىمەن تەك سيم-كارتاسىن الىپ كەتكەنى، جوعالعانعا دەيىن ونىڭ ۆكونتاكتە جانە ۋوتساپپ جەلىسىندەگى اككاۋنتتارىن ءوشىرىپ تاستاعانى بەلگىلى بولىپ وتىر.
پىكىر قالدىرۋ