وڭتۇستىك قازاقستان وبلىسىنىڭ پوليسەيلەرى ەسىرتىك ساتۋدى كاسىپ ەتكەن زەينەتكەر ايەل مەن ونىڭ ۇلىن قولعا ءتۇسىردى، - دەپ حابارلايدى Qamshy.kz  Skifnews.kz پورتالىنا سىلتەمە جاساپ.

ۇستاۋ بارىسىندا كۇدىكتىلەردىڭ ۇيىنەن 5 كەلىدەن استام گەروين زاتى تابىلىپ، تاركىلەنگەن.

ءتارتىپ ساقشىلارىنا جەرگىلىكتى تۇرعىنداردىڭ ءبىرى ارىزدانىپ، تولە بي اۋدانىندا ەسىرتكى ساۋداسىنىڭ قىزۋ ءجۇرىپ جاتقانىن ايتقان. وقو ءىىد ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى «ارلان» ارنايى جاساعى جانە تولەبي اىىب-مەن بىرىگىپ، كۇدىكتىلەردى ۇستاۋ وپەراسياسىن جۇرگىزدى. ناتيجەسىندە، 1954، 1976 جانە 1993 جىلى تۋعان ءۇش كۇدىكتى قولعا ءتۇستى. ولاردىڭ ەڭ ۇلكەنى - 62 جاستاعى ايەل قىلمىستىق توپقا جەتەكشىلىك ەتكەن. ونىڭ قىرىققا كەلگەن ۇلى مەن 23 جاستاعى تاعى ءبىر ازامات زەينەتكەرگە كومەكتەسۋمەن اينالىسىپتى. اناسى مەن ۇلى بۇعان دەيىن دە ەسىرتكى ساتامىن دەپ ءبىر رەت سوتتالعان دەيدى پوليسەيلەر.

كۇدىكتىلەر ساۋدانى ۇيىندە جۇرگىزگەن. نىساندى ءتىنتۋ كەزىندە 5 پوليەتيلەن قالتاسىنا ورالعان گەروين تابىلدى. ولاردىڭ جالپى سالماعى 5 كەلىدەن ءسال اسادى. اتالعان جايت بويىنشا ق ر قك 297-بابىمەن «ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ» قىلمىستىق ءىس قوزعالدى. كۇدىكتىلەر قاماۋدا. سوتقا دەيىنگى تەرگەۋ امالدارى جۇرگىزىلۋدە.

اعىمداعى جىلدىڭ باسىنان بەرى وڭتۇستىك قازاقستان وبلىسىندا ەسىرتكى زاتىن ساقتاۋ جانە ساتۋ بويىنشا 87 قىلمىس تىركەلگەن. 22 كگ اسا ەسىرتكى زاتى تاركىلەنگەن، ونىڭ ىشىندە 5،5 كگ گەروين ەسىرتكىسى. ءتارتىپ ساقشىلارى زاڭسىز ەسىرتكى زاتىن ساتۋمەن اينالىسقان 47 كۇدىكتىنى قۇرىقتاعان.