7 مامىردا الماتىدا ميتينگ بولمايدى، - دەپ حابارلايدى Qamshy.kz.

بۇل تۋرالى الماتىدا 7 مامىر كۇنى وتكىزىلەدى دەلىنگەن نارازىلىق شاراسىن ۇيىمداستىرۋ كوميتەتىنىڭ مۇشەسى، ساياساتكەر مۇحتار تايجان ءوزىنىڭ «فەيسبۋكتەگى» پاراقشاسىندا جاريالادى.

بەلسەندى جەر ماسەلەسىنە قاتىستى اقوردانىڭ بۇگىنگى شەشىمىنە باعا بەرە كەلە:

«ءيا، ميتينگىگە ءبىز بۇل زاڭدى توقتاتۋ ءۇشىن شىعۋعا ءازىر بولدىق. موراتورييدەن باستاۋىمىز كەرەك دەپ ءوز باسىم وسىندا جازدىم. ءارى قاراي اشىق قوعامدىق تالقىلاۋ جاساۋ كەرەك دەپ ايتتىق. ءقازىر سول ماقساتقا ازىرشە جەتتىك. ءقازىر سول تاقىرىپقا نارازى ميتينگتىڭ قاجەتى شامالى دەپ ويلايمىن. ەندى ساراپتامالى، كاسىبي تۇردە جۇمىس جاساۋىمىز كەرەك. "سابىر ءتۇبى سارى التىن" دەگەن قازاق بابام. اقىلمەن ءبارىمىز جاقسى ناتيجەگە جەتەمىز دەپ سەنىمدىمىن»، - دەپ جازادى ول.