قازاقستان پرەزيدەنتى نۇرسۇلتان نازاربايەۆ ۇشاقتى الدىڭعى ءشاسسيسىز قوندىرعان پيلوت دميتريي رودين مەن جارىلىس كەزىندە ساربازدى دەنەسىمەن جاۋىپ قورعاعان قايرات ۇمبەتوۆتى مەملەكەتتىك ناگرادالارمەن ماراپاتتاۋ تۋرالى جارلىققا قول قويدى، - دەپ حابارلايدى Qamshy.kz.
بۇل تۋرالى اقوردانىڭ ءباسپسوز قىزمەتى حابار تاراتتى.
"قازاقستان رەسپۋبليكاسىنا سىڭىرگەن اسا ۇزدىك ەڭبەگى، اسكەري جانە قىزمەتتىك بورىشىن اتقارۋ ۇستىندە كورسەتكەن ەرلىگى مەن جانقيارلىعى ءۇشىن: جوعارى دارەجەلى ەرەكشەلىك بەلگىسى - "حالىق قاھارمانى" اتاعى بەرىلىپ، ايرىقشا ەرەكشەلىك بەلگىسى - التىن جۇلدىز بەن "وتان" وردەنى تاپسىرىلسىن: رودين دميتريي ولەگوۆيچ - "Fokker-100" اۋە كەمەسىنىڭ كومانديرى، الماتى قالاسى؛ ۇمبەتوۆ قايرات جارىلقاسىن ۇلى - ۇلتتىق ۇلان "ورتالىق" وڭىرلىك قولباسشىلىعىنىڭ شتاب باستىعى - 6505 اسكەري ءبولىمى كومانديرىنىڭ ءبىرىنشى ورىنباسارى"، - دەلىنگەن جارلىقتا.
