كيىكتەردىڭ قىرىلۋى بيىل دا قايتالانۋى مۇمكىن، - دەپ حابارلايدى Qamshy.kz.  استانا ارناسىنا سىلتەمە جاساپ.

اۋىل شارۋاشىلىعى مينيسترلىگى وكىلدەرى وسىلاي دەيدى. ال بىلتىرعى بوكەندەردىڭ نەدەن قىرىلعانى ءالى كۇنگە دەيىن انىقتالماعان. ءبىلىم جانە عىلىم مينيسترلىگىندە قۇرىلعان ارنايى كوميسسيا ناقتى شەشىمگە كەلمەپتى. 

بۇل تۋرالى ورمان شارۋاشىلىعى جانە جانۋارلار الەمى كوميتەتىنە قاراستى باسقارما باسشىسى باقىتبەك دۇيسەكەيەۆ مالىمدەدى. ماماندار اۋا رايىنىڭ ءدال بىلتىرعىداي ەكەندىگىنەن قاۋىپتەنەدى. جاۋىن-شاشىن كيىكتەردىڭ قىرىلۋىنا سوقتىرعان سەبەپتەردىڭ ءبىرى بولۋى مۇمكىن دەگەن بولجام بار. باس اياعى 300 مىڭعا تارتا كيىكتىڭ 150 مىڭدايى بىلتىر قىرىلىپ قالدى. بۇعان قاتىستى «پاستەرەللەز دەرتىنەن»، «گەپتيل اسەرىنەن» دەگەن ءتۇرلى بولجامدار ايتىلعان. ءبىراق ناقتى تۇجىرىم ءالى جوق. سوڭعى ساناق ءساۋىر ايىندا جۇرگىزىلدى. ماۋسىمدا قازاق دالاسىندا قانشا كيىكتىڭ قالعانى جاريا بولادى. 

«مامانداردىڭ ايتۋىنشا، كيىكتەردىڭ بولعان جەرىندە اۋا رايىنىڭ ايىرماشىلىعى جوق سياقتى. 2015 جىلعى مامىر ايىنان. وسىنى ەسكەرە وتىرىپ، ءبىز ءبىر ءقاۋىپتى سەزەمىز»، - دەيدى ق ر اشم ورمان شارۋاشىلىعى جانە جانۋارلار الەمى كوميتەتى باسقارماسىنىڭ باستىعى باقىتبەك دۇيسەكەيەۆ.