الماتى ۋنيۆەرسيتەتىندە چەرنوبىل اتوم ەلەكتر ستانسياسىنداعى اپاتقا 30 جىل تولۋىنا بايلانىستى پەداگوگيكالىق ماماندىقتار كافەدراسىنىڭ «گەوگرافيا» جانە «شەت ءتىلى: ەكى شەتەل ءتىلى» ماماندىقتارىنىڭ ستۋدەنتتەرى مەن توپ كۋراتورلارى ش.س. كوشەربايەۆا، گ.ب. يكراموۆا ۇيىمداستىرۋىمەن «چەرنوبىل جارىلىسىنىڭ زاردابى» اتتى ءىس-شارا ءوتتى، - دەپ حابارلايدى Qamshy.kz.
كەشتىڭ قوناعى رەتىندە چەرنوبىل اپاتىنان قۇتقارۋ بارىسىندا ءوز بورىشىن ورىنداعان م.ۆ. شۋكلين، ۆ.گ. بۋلداكوۆ، ا.ۆ. دولگيح شاقىرىلدى. كەزدەسۋدى ۋنيۆەرسيتەتتىڭ تاربيە ءىسى جونىندەگى پرورەكتورى س.ت. امانعالييەۆا اشىپ، قوناقتارمەن تانىستىردى.
كەزدەسۋ بارىسىندا ستۋدەنتتەر وزدەرىن تولعاندىرعان ساۋالداردى قويدى. چەرنوبىل اپاتىن ءوز كوزىمەن كورگەن قوناقتاردىڭ ايتار اڭگىمەلەرى دە كوپ ەكەندىگىن كەزدەسۋ بارىسىندا كوز جەتكىزدىك. ءوز كەزەگىندە ءسوز سويلەگەن م.ۆ. شۋكلين:
- چەرنوبىل اتوم ەلەكتر ستانسياسىنداعى 1986 جىلعى 26-ساۋىردەگى اپاتتى جويۋعا 600 مىڭعا جۋىق ادام قاتىستى. ونىڭ ىشىندە حيميالىق قورعاۋ پولكى قۇرامىنداعى 32 مىڭ قازاقستاندىق بولدى. ۋكراين حالقى چەرنوبىل اپاتىنىڭ زاردابىن جويۋعا تيگىزگەن پايدامىز ءۇشىن ءالى كۇنگە زور ريزاشىلىقپەن العىس ايتادى. بىزدەر ءوز دەنساۋلىعىمىز بەن ءومىرىمىزدى قيىپ، ۋكراين حالقىنىڭ باسىنا اۋىر كۇن تۋعاندا قاسىنان تابىلىپ، كومەك كورسەتتىك. چەرنوبىل اپاتى كۇللى ادامزاتتىڭ قاسىرەتىنە اينالدى،-دەپ ايتىپ ءوتتى.
كەزدەسۋ سوڭىندا ءسوز سويلەگەن تاربيە ءىسى جونىندەگى پرورەكتور س.ت. امانعالييەۆا:
- بۇگىنگى وتكىزىلىپ وتىرعان كەزدەسۋ «چەرنوبىل جارىلىسىنىڭ زاردابى» تاقىرىبى اياسىندا بولىپ وتىرعاندىعىن ءسوز باسىندا ايتىپ ءوتتىم. بۇل — كەلتىرگەن زالالى مەن سالدارى جونىنەن حح عاسىرداعى ەڭ ءىرى تەحنوگەندىك رادياسيالىق اپاتتىڭ ءبىرى. بۇگىن مىنە، چەرنوبىل اپاتىنان قۇتقارۋ بارىسىندا ءوز بورىشىن ورىنداعان ادامدارمەن كەزدەسىپ، چەرنوبىل اپاتى تۋرالى وتە جاقسى ماعلۇماتتار الدىق. كەزدەسۋگە كەلىپ ءوز ويلارىمەن ستۋدەنتتەرگە بولىسكەنى ءۇشىن قوناقتارىمىزعا العىز بىلدىرەمىز،-دەدى.
التىن ۋاقىتىن ءبولىپ، كەزدەسۋگە كەلگەن قوناقتارعا رەكتور اتىنان باعالى سىيلىقتار تابىس ەتىلدى.
پىكىر قالدىرۋ