ادولف گيتلەر جەكە باسقا تابىنتتى، ءبىر پارتيانىڭ ديكتاتۋراسىن ورناتتى، ساياسي ءپليۋراليزمدى جويدى، ارنايى قىزمەتتىڭ قۇزىرەتىن كۇشەيتۋ ارقىلى وزىمەن كەلىسپەيتىندەرگە قارسى تەررور مەن رەپرەسسيا ۇيىمداستىردى، ءسوز ەركىندىگىن تۇنشىقتىردى، جەكەلەگەن ەتنيكالىق توپتاردى كەمسىتەتىن ناسىلشىلدىكتى يدەولوگيا دەڭگەيىنە دەيىن كوتەرىپ ناسيحاتتادى، تۇتاس حالىقتاردى زورلاپ كوشىردى، تۇتاس ءبىر حالىقتى گەنوسيد ۇيىمداستىرىپ قۇرتىپ جىبەرۋگە تىرىستى، ادام قيالى جەتپەيتىن ازاپتاۋ تاسىلدەرىن ويلاپ تاپقان كونسلاگەرلەر اشتى، ەلىن اسكەريلەندىردى، كورشى ەلدەردى اسقان اشكوزدىكپەن جانە زۇلىمدىقپەن جاۋلاپ الۋعا تىرىستى، اقىر سوڭىندا ميلليونداعان ادامنىڭ قانىن توكتى. مۇنداي زالىمدى قانداي نيەتپەن بولسىن باق-تىڭ مۇقابا بەتىنە باسۋ - اقتاپ الۋعا كەلمەيتىن، بارلىق ادامگەرشىلىك جانە كاسىبي ەرەجەلەرگە قايشى ارەكەت.
يوسيف ستالين ءتۇسى عانا باسقا ساياسي يدەولوگيانى جامىلىپ جوعارىداعى ارەكەتتەردىڭ بارلىعىن جاسادى، "قىزىل تەررورىن" ءتىپتى ەكىنشى دۇنيەجۇزىلىك سوعىستان كەيىن دە جالعاستىردى. وزىنە ۇقساعان ەكىنشى قۇبىجىقتى جەڭگەنى ءۇشىن عانا ونىڭ رەجيمىندەگى قىلمىستارعا كوز جۇمۋ دا - اقتاپ الۋعا كەلمەيتىن، بارلىق ادامگەرشىلىك جانە كاسىبي ەرەجەلەرگە قايشى ارەكەت.
قازاقستاندا ءبىرىنشى رەت (سوڭعى رەت شىعار دەپ ۇمىتتەنەم) مۇقابا بەتىنە جاريالانعان گيتلەرگە قالاي قارسى شىقساق، رەسەيدە اشىق ناسيحاتتالىپ جاتقان ستالينيزمگە، جانە سوڭعى جىلدارى كوپتەگەن شوۆينيستىك باسىلىمداردىڭ مۇقابا بەتىنەن تۇسپەيتىن، ءتىپتى مەترو ستانسياسىنىڭ اتىنا اينالعان ستالينگە دە سولاي قارسى شىعۋىمىز كەرەك.
"اتالارىمىزدى قىرعان" گيتلەردى ايتقاندا، "اتالارىمىزدى شترافباتقا سالىپ اجالعا ايداعان"، "سۇيەگىن سىبىردە شىرىتكەن" ستالين دە ويدا تۇرسىن.
وسىنى ۇمىتپايىق.
