اباي اتىنداعى قازاق ۇلتتىق پەداگوگيكالىق ۋنيۆەرسيتەتى پەداگوگيكالىق ءبىلىم بەرۋ سالاسىنداعى الەمدەگى جەتەكشى جوعارى وقۋ ورىندارىنىڭ ءبىرى رەتىندەگى مارتەبەسىن تاعى دا راستادى. ۋنيۆەرسيتەت «QS World University Rankings by Subject 2026» رەيتينگىندە «ءبىلىم بەرۋ جانە وقىتۋ» (Education & Training) باعىتىنداالەم بويىنشا 41-ورىندى يەلەنىپ، توپ-50 قاتارىنا ەندى.
قازۇپۋ وسى باعىت بويىنشا توپ-50-گە ەنگەن قازاقستانداعى جالعىز ۋنيۆەرسيتەت جانە ورتالىق ازياداعى كوشباسشى اتاندى. بۇل ناتيجە ۋنيۆەرسيتەتتىڭ زاماناۋي پەداگوگيكانى دامىتۋداعى جانە جاڭا بۋىننىڭ حالىقارالىق دەڭگەيدەگى ماماندارىن دايارلاۋداعى ستراتەگيالىق ءرولىن دالەلدەيدى.
QS ايماقتىق ديرەكتورى سەرگەي حريستوليۋبوۆجاڭا پاندىك رەيتينگتەردە ورتالىق ازيانىڭ جوعارى ءبىلىم بەرۋ جۇيەسى ءۇشىن تاريحي جەتىستىككە قول جەتكىزىلگەنىن اتاپ ءوتتى. ونىڭ ىشىندە، اباي ۋنيۆەرسيتەتى ازيا بويىنشا ۇزدىك وندىق قاتارىنا ەنىپ، ورتالىق ازيا بويىنشا كوش باستادى. بۇل ناتيجە – QS پاندىك رەيتينگتەرىنە قاتىسۋ تاريحىنداعى ءوڭىر ءۇشىن ەڭ جوعارى كورسەتكىش.
جەتىستىكتىڭ نەگىزگى فاكتورى – جوعارى حالىقارالىق اكادەميالىق بەدەل: بۇل كورسەتكىش بويىنشا ۋنيۆەرسيتەت الەمدە 9-ورىندى يەلەندى. سوڭعى بەس جىلدا ۋنيۆەرسيتەت 410 اكادەميالىق نوميناسياعا يە بولدى، ولاردىڭ 67%-ى اقش، ەۋروپا، ۇلىبريتانيا، كانادا جانە تمد ەلدەرىنىڭ جەتەكشى ۋنيۆەرسيتەتتەرىمەن سەرىكتەستىككە بايلانىستى.
ەڭبەك نارىعى تاراپىنان دا جوعارى باعا بەرىلدى: «جۇمىس بەرۋشى بەدەلى» كورسەتكىشى بويىنشا الەمدە 43-ورىن قازۇپۋ تۇلەكتەرىنىڭ حالىقارالىق دەڭگەيدە سۇرانىسقا يە ەكەنىن كورسەتەدى.
QS by Subject 2026 رەيتينگىندە ۋنيۆەرسيتەت باسقا باعىتتار بويىنشا دا ۇسىنىلعان:
اباي اتىنداعى قازۇپۋ عىلىمي زەرتتەۋلەردى دامىتۋ، حالىقارالىق سەرىكتەستىكتەردى كەڭەيتۋ جانە نەگىزگى كورسەتكىشتەردى: دايەكسوز الۋ، اكادەميالىق بەدەل، حالىقارالىق زەرتتەۋ جەلىسى جانە حيرش يندەكسىن ارتتىرۋ ارقىلى ءوز پوزيسيالارىن نىعايتۋدى جالعاستىرۋدا.
اباي اتىنداعى قازۇپۋ – جاي عانا وقۋ ورنى ەمەس. بۇل – جاھاندىق اكادەميالىق كەڭىستىككە ينتەگراسيالانعان ۇلتتىق پەداگوگيكالىق ءبىلىم بەرۋ كوشباسشىسى.
QS World University Rankings پاندىك رەيتينگىنىڭ سوڭعى شىعارىلىمىنىڭ ناتيجەلەرىمەن كەلەسى سىلتەمە ارقىلى تانىسۋعا بولادى: https://www.topuniversities.com/
«Abai University» مەديا ورتالىعى
