NASA ادامزاتتىڭ ايعا قايتا ورالۋ جولىنداعى ماڭىزدى قادامداردىڭ ءبىرىن جاساۋعا جاقىن. 2026 جىلدىڭ 1 ساۋىرىنە جوسپارلانعان Artemis II ميسسياسى – سوڭعى 50 جىلدان كەيىنگى العاشقى باسقارىلاتىن اي ساپارى بولماق.

بۇل تاريحي ميسسيادا ءتورت عارىشكەر ايدى اينالىپ ۇشىپ، جەرگە قايتا ورالادى. ۇشۋ شامامەن 10 كۇنگە سوزىلادى جانە نەگىزگى ماقسات – بولاشاق ايعا قونۋ ميسسيالارى ءۇشىن ءومىردى قامتاماسىز ەتۋ جۇيەلەرىن تولىق سىناقتان وتكىزۋ.

قازىرگى ۋاقىتتا ەكيپاج كارانتيندە، ال زىمىران ۇشىرىلىمعا تولىق دايىن.

ايدى زەرتتەۋ جارىسى قىزا تۇسۋدە. الداعى ۋاقىتتا بىرنەشە ەل مەن كومپانيالار دا ءوز ميسسيالارىن ىسكە قوسپاق:

Artemis III (NASA)
ادامدى اي بەتىنە قايتا قوندىرۋ ميسسياسى. بۇل جولى استروناۆتار ايدىڭ وڭتۇستىك پوليۋسىنە قونۋى مۇمكىن.

Starship (SpaceX)

SpaceX كومپانياسىنىڭ الىپ كەمەسى بولاشاقتا Artemis III ميسسياسىندا ايعا قونۋ اپپاراتى رەتىندە قولدانىلادى.

Chang’e باعدارلاماسى (جۇڭگو)

CNSA ايعا روبوتتىق جانە كەيىن باسقارىلاتىن ميسسيالار جىبەرۋدى جوسپارلاپ وتىر.

Luna ميسسيالارى (رەسەي)

كوسكوسموس ايدى زەرتتەۋ باعدارلاماسىن قايتا جانداندىرۋدا.