ساراپشىلار كارىموۆتىڭ ورنىنا كەلەتىن ميراسقورلار بولۋى مۇمكىن دەپ  شاۆكات ميرزيويەۆ،  ونىڭ ورىنباسارى رۋستام ازيموۆ پەن رۋستام ينوياتوۆتى ايتۋدا،- دەپ حابارلايدى Qamshy.kz  Zakon.kz. سايتىنا سىلتەمە جاساپ. 

 وزبەكستان زاڭى بويىنشا ەلباسى بولماعان جاعدايدا پرەزيدەنت مىندەتىن  سەنات ءتوراعاسى اتقارادى.  ءقازىر بۇل ورىندى نيگماتيللا يۋلداشيەۆ اتقارىپ وتىر. دەگەنمەن، پراكتيكا كورسەتىپ وتىرعانداي، پوستكەڭەستىك كەڭىستىكتە بۇل نورمانى قاداعالاماي-اق قويۋعا بولادى.   

2006 جىلى تۇركمەنستان پرەزيدەنتى ساپارمۇرات نيازوۆ،  مەملەكەتتىك قاۋىپسىزدىك كەڭەسىنە پرەزيدەنت مىندەتىن دەنساۋلىق ساقتاۋ ءمينيسترى جانە ۆيسە- پرەمەر گۋربانگۋل بەردىمۇحامەدوۆكە جۇكتەگەن، جەرلەۋ كوميسسياسىندا سول باسقارعان، 2007 جىلدىڭ اقپان ايىندا سايلاۋدا جەڭىسكە جەتتى.  تۇرىكمەن وپپوزيسياسى تۇرىكمەنباشىنىڭ  ءولىمى جايلى اقپاراتتى قازاسى بولماي تۇرىپ جاريالاعان بولاتىن.

مۇنداي نارازىلىقتى وپپوزيسيا ءازىربايجان بيلىگىنە دە تاققان:  2003 جىلى  پرەزيدەنت گەيدار الييەۆ  دەنساۋلىعىنا بايلانىستى قوعامدىق ساياساتتان ماۋسىم ايىندا جوق بولىپ كەتكەن،  ءبىراق ونىڭ قازاسى جايلى  ۇلى يلحام  قازان ايىنداعى سايلاۋدا جەڭىسكە جەتكەننەن كەيىن جاريالادى، -دەپ جازادى  ربك.

وسىدان كەلىپ، - «...ەگەر ۇكىمەت اۋىسىمى  كونستيتۋسياعا ساي وتەتىن بولسا، پرەزيدەنت وزبەكستاننىڭ سەنات ءتوراعاسى بولادى، بۇل قوعامدىق ەمەس، ەشكىمگە بەلگىسىز ساياسي فيگۋرا» -  دەپ مالىمدەيدى ورتالىق ازيا ەكسپەرتى دانييل كيسلوۆ «مك».

ساراپشى دانييل كيسلوۆ پەن اركاديي دۋبنوۆتىڭ ويىنشا،  كارىموۆتىڭ ورنىن الماستىراتىن باستى فاۆوريت وزبەكستان پرەزيدەنتى  شاۆكات ميرزيايەۆ،- دەپ جازادى  ربك.

شاۆكات ميرزيايەۆتىڭ ءومىرى جايلى تانىمال فاكتىلەر

وتباسى

شاۆكات ميرزيايەۆ 1957 جىلى  زاامينسك اۋدانى،  دجيزاكسك وبلىسىندا ۋسسر،  تاجىكستاندىق كەلىمسەك  وتباسىنان شىققان.  شاۆكات كىشكەنتاي بولعان كەزدە، ونىڭ اناسى سۇيەك تۋبەركۋلەزىنەن قايتىس بولعان. وسىدان كەيىن شاۆكاتتىڭ اكەسى مەديسينا ۋنيۆەرسيتەتىنە ءتۇسىپ، تۋبەركۋلەزدى ەمدەيتىن دارىگەر بولىپ، ءومىرىن وسى اۋرۋمەن كۇرەسۋگە ارناعان.

 قاتال وگەي شەشە

كەيىننەن اكەسى باسقا ايەلگە ۇيلەنگەن. شاۆكاتتىڭ وگەي شەشەسىنىڭ بالا تاربيەسىندە وزىندىك ادىستەرى بولعان: ءسال عانا اعاتتىعى ءۇشىن شاۆكاتتى نان مەن سۋسىز قالدىرىپ، قاتال ۇستاعان. اكەسى دە ونى  ءجيى ۇرعان دەسەدى.  سالدارىنان بالا شاۆكات اعاسىنىڭ ۇيىنە كوشىپ كەتكەن.   

قىزمەتى

مەكتەپتى اياقتاعان سوڭ شاۆكات ميرزيايەۆ  تاشكەنت يرريگاسيا جانە  اۋىل شارۋاشىلىعى مەحانيزاسياسى ينستيتۋتىنا ءتۇستى. ول كومسومول ۇيىمىنىڭ حاتشىسى بولىپ، كەيىننەن سول ۋنيۆەرسيتەتتىڭ رەكتور ورىنباسارى قىزمەتىن اتقارعان.   

 1990 جىلى  ميرزيايەۆ  وزبەكستان جوعارعى كەڭەسىنىڭ  دەپۋتاتتىعىنا سايلاندى، 1994 جىلى جاڭا پارلامەنتكە تاڭدالدى (وليي ءماجلىس).

 1992 جىلى  ميرزيايەۆ   تاشكەنتتىڭ ميرزو- ۇلىقبك اۋدانى اكىمى  بولدى (اكىمشىلىك باسشىسى). باسپادا وسى ۋاقىتتان باستاپ ونىڭ « ميليسيونەر- كۇزەتشىلەر» قورشاۋىندا جۇرگەنى ايتىلادى.  

ءمينيستىردىڭ قىزىنا ۇيلەنۋى

 ميرزيايەۆتى ۇناتپايتىندار ونىڭ مانساپتا كوتەرىلۋى ءمينيستردىڭ قىزىنا ۇيلەنۋىمەن تىكەلەي بايلانىستى دەپ راستايدى. ەل نە ايتسادا، اكىمشىلىك باسشىسى بولعان كەزدە ميرزيايەۆ وتە قاتال باسشى بولعان.

 قولاستىنداعىلارمەن  جۇدىرىقتاسقان

 قولاستىنداعىلارعا دەگەن قارىم–قاتىناسىندا ميرزيايەۆ  بوقتىق سوزدەر ايتۋدان ەشقاشان  قىسىلماعان، ءتىپتى جۇدىرىق جۇمساعان كەزدەرى دە بولعان.  ءتىپتى، كولحوزدىڭ بىرنەشە ءتوراعاسىن ماقتا  تازالاۋ جوسپارىن ورىنداماعاندارى ءۇشىن تىر جالاڭاش شەشىنىپ، ءتورت ساعات سۋىق وزەندە تۇرعىزىپ قويعان دەپ ايتادى كۋاگەرلەر.

كىسى ءولتىردى دەگەن ايىپ تاعىلعان

وزبەك قۇقىق قورعاۋشىلارى  مەرزيايەۆتى تەك قول كوتەرۋدە عانا ەمەس، بىرنەشە ادامدى ءولتىردى دەپ تە ايىپتاعان.  وزبەكستاننىڭ بولاشاق پرەمەر –ءمينيسترى  ءوز تاپانشاسىنان  ماقتا ەگىستىگىنە تابىن جىبەرگەن 11 جاستاعى بالانى اتىپ تاستادى،-  دەگەن ادام  قاۋەسەتتەر دە ەل اراسىندا ايتىلعان.

 قوعام الدىندا كوپ شىقپايتىن تۇلعا

 بۇل ايىپتىڭ بارلىعى دا وزبەك باق-تارىندا ءبىر رەت قانا ايتىلمادى، ءبىراق شاۆكات ميرزيايەۆ ەشقاشان ولاردى جوققا شىعارۋعا تىرىسپاعان. ول ەل الدىنا  كوپ شىعاتىن  ساياساتكەر  بولعان ەمەس،   ونىڭ سۋرەتى بار العاشقى ماتەريال 2006 جىلى ۇلكەن جاڭالىق بولعان.

 شاۆكات ميرزيايەۆ 2003 جىلدىڭ 11ء-شى جەلتوقسانىنان باستاپ  وزبەكستان پرەمەر-مينيسترى قىزمەتىن اتقارىپ كەلە جاتىر.

 ونى ۇمىتكەرلىككە رەسپۋبليا پرەزيدەنتى يسلام كارىموۆ 2003 جىلدىڭ 12ء-شى جەلتوقسانىندا ۇسىنىپ، وزبەك پارلامەنتى بۇل شەشىمدى بەكىتكەن. ول  ۋتكير سۇلتانوۆتىڭ ورنىن باستى.

 ول حالىقارالىق قاتىناستاردا مۇلدەم تاجىربيەسىز، سول ءۇشىن وزبەكستان شەكاراسىنان وتە سيرەك شىعادى.

كارىموۆتىڭ تاعى ءبىر ورنىن باسۋى مۇمكىن دەپ ساراپشىلار رۋستام ينوياتوۆتى ۇسىنۋدا، ول ۇلتتىق قاۋىپسىزدىك قىزمەتىنىڭ  شەفى.

ينوياتوۆ، ەلدەگى ارنايى قىزمەت باسشىسى، ەل الدىنا وتە سيرەك شىعاتىن ادام، ب ا ق بەتتەرىندە ونىڭ سۋرەتىنىڭ شىعۋى وتە ۇلكەن قۇبىلىس بولعان.   وزبەك بارلاۋ قىزمەتىنىڭ بولاشاق باسشىسى 1944 جىلى سۋرحاندارينسك وبلىسىندا تۋىلعان،  تاشكەنت مەملەكەتتىك ۋنيۆەرسيتەتىنىڭ شىعىستانۋ فاكۋلتەتىن « يرانيست» ماماندىعى بويىنشا ءبىتىرىپ، مقك قىزمەت اتقاردى، ديپلوماتتىق قورعاۋمەن اۋعانستاندا قىزمەت اتقارعان، ۇقق 1995 جىلدان بەرى باسقارىپ كەلەدى.  

 ۇقك اپپارات كۇشىن 2005 جىلى  انديجان كوتەرىلىسىنەن كەيىن  جيناپ الدى.   وسى وقيعادان كەيىن زەينەتكەرلىككە ىشكى ىستەر ءمينيسترى زاكير الماتوۆ كەتتى.   وقيعانى ءتۇسىنۋ ءۇشىن: وزبەكستاننىڭ  كۇش قۇرىلىم باسشىلارى بيلىكتە تەك «قىزمەتىمەن» عانا ماڭىزدى ورىندا وتىرعان جوق.   90-شى جىلدارداعى رەسپۋبليكانىڭ قالىپتاسۋى  يسلاميستەردىڭ ەلدى باسقارۋعا ۇمتىلعان كەزىمەن تۇسپا-تۇس كەلدى، كورشى اۋعانستان مەن تاجىكستاندا اشىق ازاماتتىق سوعىستار ءجۇرىپ جاتتى. تاشكەنتتە «تابىسقا بارا جاتقان» يسلاميستەردى توقتاتىپ،  كورشىلەردىڭ تاتۋلىعىنا ارالاسۋعا تۋرا كەلدى، سول ءۇشىن وزبەكستان كۇش قۇرىلىمدارىنىڭ اسەرى مەن بەدەلى لايىقتى باعادا – دەپ جازادى   Lenta.ru.

 باسقا ۇمىتكەرلەردە ەل الدىندا كوپ شىعىپ جۇرگەن فيگۋرالار ەمەس.

قارجى جانە ەكونوميكانىڭ بۇرىنعى ءمينيسترى رۋستام ازيموۆ  رەسپۋبليكا استاناسىندا تۋىلعان، ول تاشكەنت ۋنيۆەرسيتەتى مەن وكسفورد ۋنيۆەرسيتەتىنىڭ ماگيستراتۋراسىن بىتىرگەن. ول قارجى جانە ەكونوميكا سالاسىنىڭ وتە بىلىكتى مامانى. 

كەيبىر مالىمەتتەر بويىنشا، ازيموۆ  پرەزيدەنتتىڭ ۇلكەن قىزى— گۇلنارا كاريموۆاعا قىزمەت ەتكەن جانە ونىڭ قارجى كوزدەرىنىڭ ساقتالۋىنا كومەكتەسىپ تۇرادى. پرەمەردىڭ قازىرگى ورىنباسارىنىڭ كۇش قۇرىلىمدارىندا مىقتى بايلانىستارى بار، - دەپ جازادى Lenta.ru.

  دۇيسەنبى كۇنى رەسەيلىك Regnum  اگەنتتىگى ازيموۆتى ۇستالدى دەپ حابارلاعان. دەگەنمەن، سەيسەنبى كۇنى  وزبەكستاننىڭ «Sputnik  اگەنتتىگى بۇل اقپاراتتى جوققا شىعاردى. ازيموۆ جۇمىس اتقارعان قارجى مينيستىرلىگىندە ونىڭ جۇمىس ورنىندا وتىرعانىن ايتتى.