ماسكەۋدەگى فوتوسۋرەتتەر ورتالىعىندا 8 قىركۇيەكتە اشىلعان «بەز سمۋششەنيا» دەپ اتالاتىن جالاڭاش قىزدار بەينەلەنگەن كورمەگە جۇرتشىلىق نارازىلىق تانىتۋدا، - دەپ حابارلايدى Qamshy.kz.

تىرجالاڭاش بالعىن قىزداردى سۋرەتكە  تۇسىرۋمەن اينالىساتىن دجوك ستوردجەستىڭ فوتولارى قويىلعان كورمەگە رەسەيلىكتەر عالامتور ارقىلى نارازىلىق بىلدىرۋدە.

 «بۇل نەگىزىنەن بوي جەتە باستاعان جاس قىزداردى تۇسىرەدى. مەن وسىنداي سەمىز، كارى ازعىننىڭ سۋرەتتەرى نەگە ماسكەۋگە اكەلىنىپ، كورمەگە قويىلعانىن تۇسىنبەيمىن. ماسكەۋ بيلىگى قايدا قاراپ وتىر؟» دەيدى، بلوگەر لەنا ميرو.

كورمەگە 40 فوتوسۋرت قويىلعان. سۋرەتتەردىڭ اۆتورى دجوك ستوردجەسكە  كەزىندە فوتولارى ءۇشىن پەدوفيل دەپ ايىپ تاعىلعان. ول 1990 جىلدارى اقش-تىڭ قۇقىق قورعاۋ ورگاندارى، ءدىن وكىلدەرى، كونسەرۆاتيۆتىك توپتاردىڭ جاۋى رەتىندە بەلگىلى. ونىڭ ستۋدياسىندا ءتىنتۋ دە جۇرگىزىلگەن. ول كەزدە سۋرەتشىنىڭ تۋىندارىن قوعام بەلسەندىلەرى ورتەپ جويعان. ءبىراق كەيىن سۋرەتشىگە تاعىلعان ايىپ الىنىپ تاستالعان. 

دجوك ستوردجەس جالاڭاش قىزداردىڭ سۋرەتتەرىنەن قۇرالعان وننان استام مونوگرافيا شىعارعان. فوتوسۋرەتتەرى الەمنىڭ ءىرى قالالارىنداعى مۇراجايلارعا قويىلعان سۋرەتشىنىڭ ماسكەۋدە كورمە وتكىزۋىنە بايلانىستى كونستيتۋسيالىق زاڭدىلىق جانە مەملەكەتتىك قۇرىلىس جونىندەگى كوميتەت باسشىسىنىڭ ورىنباسارى ەلەنا ميزۋلينا نارازىلىق ءبىلدىردى. ول باس پروكۋرور يۋريۋ چايكاعا اتالميىش وقيعاعا بايلانىستى تەكسەرۋ جۇرگىزىپ، زاڭدىلىق بۇزىلعان جاعدايدا كورمەنى جابۋ تۋرالى ءوتىنىش ايتتى. ال روسكومنادزور ماماندارى دجوك ستوردجەستىڭ سۋرەتتەرىن بالالار پورنوگرافياسى دەپ اتادى.

ازىرلەگەن دانا قامشىبەك