دونالد ترامپتىڭ كەڭەسشىسى پەيدج ماسكەۋگە ءىس ساپارى كەزىندە امەريكان ديپلوماتتارىنىڭ كۇدىگىن تۋعىزعان. وسىمەن بايلانىستى اقش ارنايى قىزمەتىنىڭ ماماندارى كارتەر پەيدج رەسەيگە قارسى سانكسيالاردى الىپ تاستاۋ جونىندە كرەملمەن اقىلداسپادى ما دەپ كۇدىكتەنۋدە، - دەپ حابارلايدى Qamshy.kz.
ترامپتىڭ كەڭەسشىسىنىڭ ارەكەتىن كونگرەسس مۇشەلەرى بريفينگتەردىڭ بىرىندە تالقىلاعانعا ۇقسايدى. ال ماسكەۋگە كەلگەن ساپارىندا پەيدج اقش ساياساتىن سىناپ، ءپۋتيندى ماقتاعان. 2015 جىلدىڭ ناۋرىز ايىندا Bloomberg News باسىلىمىنا بەرگە سۇحباتىندا ول رەسەيلىك "گازپروم"-نىڭ كەڭەسشىسى جانە ينۆەستورى بولعانىن ايتقان.
پەيج رەسەيدەگى كەزدەسۋلەرىندە اقش پرەزيدەنتى اكىمشىلىگىنىڭ رەسەيگە قارسى ەنگىزگەن سانكسيالارىن سىناعان. بيىل جازدا ول رەسپۋبليكالىق پارتيا سەزىنە ءبىر اپتا قالعاندا ماسكەۋگە تاعى كەلىپ، امەريكا ساياساتىنا قارسى پىكىرلەر ايتقان دەسەدى.
امەريكا بارلاۋ قىزمەتىنىڭ وكىلدەرىنىڭ پىكىرىنشە، ول وسى ساپارىندا "روسنەفت" باسشىسى ءارى ءپۋتيننىڭ جاقتاسى يگور سەچينمەن كەزدەسۋى ابدەن مۇمكىن. ترامپتىڭ كەڭەسشىسى وسى كەزدەسۋىندە رەسەيگە قارسى سانكسيالاردى الىپ تاستاۋ ماسەلەلەرىن تالقىلاۋى مۇمكىن. سونداي-اق اقش بارلاۋ قىزمەتىنىڭ وكىلدەرى پەيدج رەسەيدىڭ باسقا دا لاۋازىمدى شەنەۋنىكتەرىمەن اقىلداستى دەگەن پىكىردە.
ەستەرىڭىزگە سالايىق، اقش پرەزيدەنتتىگىنەن ۇمىتكەر دونالد ترامپ رەسەيدى قولدايتىن پىكىرلەرى ءۇشىن امەريكا ساياساتكەرلەرىنىڭ سىنىنا ۇشىراعان.
ازىرلەگەن ايعانىم ءبىرتۋار
