بۇگىن تالدىقورعان قالاسىندا «جاستار» ساياباعىندا سوسياليستىك ەڭبەك ەرى، ەكى مارتە لەنين وردەنىنىڭ كاۆالەرى، وكتيابر ريەۆوليۋسياسى، ەڭبەك، قىزىل تۋ وردەندەرىنىڭ يەگەرى، «پاراسات»، «قۇرمەت» وردەندەرىنىڭ يەگەرى الماتى وبلىسىنىڭ قۇرمەتتى ازاماتى زىليقا تامشىبايەۆانىڭ 80 جىلدىعىنا وراي ەسكە الۋ كەشى ءوتتى.

شارانىڭ باسىندا زىليقا جانبولات قىزىنىڭ ەڭبەك جولى تۋرالى فيلم كورسەتىلدى.

مۇنان سوڭ زىليقا اپانىڭ ەڭبەكسۇيگىشتىك، ەرىك-جىگەر، مىقتى مىنەز جانە ومىرلىك اقىل-پاراساتىن كورسەتەتىن تەاترلاندىرىلعان كورىنىستى وبلىستىق ب. ريموۆا اتىنداعى دراما تەاتر ارتىستەرى ۇسىندى.

كوپشىلىكتى وبلىس اكىمىنىڭ ورىنباسارى باقتيار ونەربايەۆ قۇتتىقتادى:

- مەملەكەت باسشىسى نۇرسۇلتان ءابىش ۇلى نازاربايەۆ «جالپىعا ورتاق ەڭبەك قوعامىنا قاراي 20 قادام» اتتى باعدارلاماسىندا ەڭبەك ادامىنا ەرەكشە كوڭىل ءبولۋ، قامقور بولۋ، جان-جاقتى كومەك كورسەتۋ، ءتيىستى جاعداي جاساۋ قاجەت ەكەنىن اتاپ وتكەن ەدى. زىليحا تامشىبايەۆانىڭ ءومىرى مەن ەڭبەك جولى جاس ۇرپاققا جارقىن ۇلگى بولىپ تاريحتا ماڭگى قالادى. وسكەلەڭ ۇرپاق ونىڭ ونەگەلى جولىن جالعاستىرادى دەپ سەنەمىز. زىليحا اپا – ەلىمىزدىڭ، جەتىسۋدىڭ ماقتانىشى، ەڭبەك مايدانىنداعى ۇلاعاتتى ۇستاز، - دەدى ب. ونەربايەۆ.

سول سياقتى ءوز سوزىندە اكىمنىڭ ورىنباسارى مەرەيتوي شەڭبەرىندە وبلىستا - تالدىقورعان قالاسىندا، كوكسۋ جانە كەربۇلاق اۋداندارىندا وتكەن سىنىپ ساعاتتارى، سپورتتىق تۋرنيرلەر، ءارتۇرلى كورمەلەر، بايقاۋلاردى دا اتاپ ءوتتى.

ب. ونەربايەۆ الداعى ۋاقىتتا اقىندار ءمۇشايراسىن وتكىزۋ، قالانىڭ ءبىر كوشەسىنە، اۋىل مەكتەبى مەن مادەنيەت ۇيىنە اتىن بەرۋ، سول سياقتى كىتاپ شىعارىپ، قىزىلشا ءوسىرۋدى ۇيرەتەتىن مامانداندىرىلعان ورتالىق اشۋ جوسپارلانىپ وتىرعانىنا دا توقتالدى.

- تاعى دا وسى مەرەيلى داتامەن بارشاڭىزدى قۇتتىقتامىن. سىزدەرگە زور دەنساۋلىق، باقىت، بەيبىتشىلىك پەن بەرەكە تىلەيمىن! –دەپ ءسوزىن قورىتىندىلادى ب. ونەربايەۆ.

مۇنان كەيىن شارا كونسەتتىك باعدارلامامەن جالعاستى.

زىليحا تامشىبايەۆا قانت قىزىلشاسىنان رەكوردتىق ءونىم الىپ، قانت قىزىلشاسى سالاسىنىڭ دامۋىنا زور ۇلەس قوستى. ونىڭ ۇلگىسى، ەڭبەكتەگى ەرلىگى ەلىمىزدىڭ قىزىلشا ءوسىرۋشى ايماعى مارتەبەسىن بەلسەندى تۇردە قايتارۋعا قادام جاساپ جاتقان جەتىسۋ ءۇشىن اسا ماڭىزدى.

الماتى وبلىسى اكىمدىگىنىڭ رەسمي سايتى