ق ر ينۆەستيسيالار جانە دامۋ مينيسترلىگىندە «نۇر وتان» پارتياسىنىڭ «بىرلىك» فيليالى «دامۋ» باستاۋىش ۇيىمى مەن «LS Astana» ج ش س ەكولوگيالىق ماسەلەلەردى شەشۋگە باعىتتالعان ىنتىماقتاستىق تۋرالى مەموراندۋمعا قول قويدى.

ەكولوگيالىق ماسەلەلەردى شەشۋدە ماتەريالداردى قايتا وندەۋ (قاعاز، كارتون) جانە جيناۋدى ۇيىمداستىرۋدا ۇزاق مەرزىمدى جانە ءوزارا ءتيىمدى ىنتىماقتاستىق قۇرۋدى كوزدەيتىن قۇجاتقا ق ر يدم جاۋاپتى حاتشىسى، «نۇر وتان» پارتياسىنىڭ «بىرلىك» فيليالى «دامۋ» باستاۋىش ۇيىمىنىڭ ءتوراعاسى زامير ساعىنوۆ، «LS Astana» ج ش س ديرەكتورى ساۋلە تاجىبايەۆا قول قويدى.

وسى ماقساتتا «Transport Tower» اكىمشىلىك عيماراتىنىڭ ءاربىر قاباتىنا ماكۋلاتۋرا جينايتىن ارنايى كونتەينەرلەر قويىلدى. «LS Astana» ج ش س قايتا وڭدەلگەن ونىمدەردەن تۇسكەن قارجىنى جەتىم بالالارعا جانە كوپبالالى وتباسىلاردىڭ بالالارىنا، زەينەتكەرلەر مەن مۇگەدەكتەرگە دەمەۋشىلىك  نەمەسە قايىرىمدىلىق كومەك رەتىندە بەرۋگە مىندەتتەمە الدى.

جينالعان بارلىق ەسكى گازەت، جۋرنالدار جانە پايدالانىلعان قاعاز ونىمدەرى قايتا وڭدەۋگە جىبەرىلەدى. وسى ارقىلى ورمان اعاشتارىن ءتيىمدى پايدالانىپ، جاپپاي كەسۋدەن ساقتاۋعا بولادى. ەكولوگتاردىڭ مالىمەتتەرىنە سۇيەنسەك، 1 توننا ماكۋلاتۋرا 30 ادامعا قاجەتتى وتتەگىن بولەتىن 10 تالدى كەسۋدەن ساقتاپ قالادى ەكەن. سونداي-اق، 1000 كۆت ەلەكتر ەنەرگياسىن جانە 20000 ليتر تۇششى سۋدى ۇنەمدەيدى.