پرەزيدەنت نۇرسۇلتان نازاربايەۆ وڭتۇستىك كورەيا رەسپۋبليكاسىنا جاساعان ساپارى اياسىنداعى باسپا ءسوز بريفينگىندە اعىنان جارىلدى، دەپ حابارلايدى "قامشى" پورتالى اقوردانىڭ باسپا ءسوز قىزمەتىنە سىلتەمە جاساپ.

ءوزىنىڭ قىزمەتى تۋرالى ەلباسى: "مەنىڭ جۇمىسىمدا شارشاۋعا بولمايدى. بۇل - ەل الدىنداعى، xالىق الدىنداعى جاۋاپكەرشىلىگىم. ال قيىندىعىنا كەلەر بولساق، بۇنداي ساپارلار كەزىندە ۋاقىتتىڭ ايىرماشىلىعى قاتتى شارشاتىپ جىبەرەدى. ءبىر بايقاعانىم، بىزگە شىعىسقا قاراي جۇرگەن ىڭعايلى ەكەن. ال باتىسقا بارساڭ، قاتتى شارشاپ قالاسىڭ، ۇيقىڭ قانبايدى. ول كۇندەرى مەن ارى كەتسە، ءۇش-تورت ساعات ۇيىقتايمىن.  ەرتە جاتساڭ دا، كوز ىلىنبەيدى. ءبىر جاعىنان جاقسى شىعار، ءوز ۋاقىتىڭمەن جۇرەسىڭ. وعان قوسا، رەسمي كەزدەسۋلەر كەزىندە ءسوزىڭدى وتكىزە ءبىلۋ كەرەك، سەنىمدى سويلەۋگە مىندەتتىسىڭ. ارينە، وندايدا ميىڭ ۇزدىكسىز ىستەپ تۇرۋى قاجەت.  قازاقستان ونداي مارتەبەگە لايىقتى. سەبەبى جاپپاي يادرولىق قارۋسىزداندىرۋعا قوسقان ۇلەسى زور. قازىرگى بەيبىت ساياساتى دا الەم ەلدەرىنىڭ قۇرمەتىنە لايىق دەپ بىلەمىن"، - دەي كەلە، ءبىر اي بۇرىن تۇماۋراتىپ قالعان كەزدەگى قازاقستاندىقتاردىڭ قولداۋىن ەسكە الىپ، بارشا xالىققا ءوز ريزاشىلىعىن جەتكىزدى. "ايتپاقشى، مەنى تۇماۋراتىپ قالدى دەپ اقپارات تاراتقاندا عالامتور ارقىلى مىڭداعان قازاقستاندىقتار  جىلى سوزدەرىن جازىپ، مەنىڭ تەزدەتىپ ساۋىعىپ شىعۋىمدى تىلەگەن ەدى. وسى مۇمكىندىكتى پايدالانىپ، بارشا xالقىما العىسىمدى ايتامىن. ول تۋرالى اشىق ايتۋعا تۋرا كەلدى. سەبەبى جوسپار بويىنشا ازەربايجان مەن ارمەنياعا ساپار جاساۋىم كەرەك ەدى. ونى كەيىنگە قالدىرۋعا ءماجبۇر بولدىم. سوندىقتان بارشالارىڭىزعا راقمەت ايتامىن. پرەزيدەنت بولعاننان كەيىن ادام بار كۇش-جىگەرىن xالىق ءۇشىن، ەل ءۇشىن جۇمساۋ كەرەك دەپ بىلەمىن»، - دەپ اعىنان جارىلدى مەملەكەت باسشىسى.