رەسەيدىڭ ءىرى قالالارىنىڭ ءبىرى پەتەربۋرگتە العاشقى قوعامدىق مۇزداتقىش ورناتىلدى. فۋدشەرينگ جوباسىنىڭ باستى ماقساتى تۇرعىنداردىڭ ارتىق ازىق-تۇلىكتى بوسقا تاستاماي، مۇقتاج جاندارمەن بولىسۋىنە مۇمكىندىك تۋعىزۋ. بۇل تۋرالى «كومسومولسكيا پراۆدا» باسىلىمى جازادى.

ەندى پەتەربۋرگ تۇرعىندارى ارتىق تاعامداردى قوعامدىق مۇزداتقىشقا سالىپ، ءوزى قالاعان ازىق-تۇلىك تۇرىنەن الۋىنا دا بولادى.

دۇنيەجۇزى بويىنشا ازىق-تۇلىكتىڭ ۇشتەن ءبىرى ىسىراپ بولادى ەكەن. رەسەيدە قولعا الىنعان جاڭا جوبا وسى ماسكەلەنى  شەشۋگە باعىتتالعان.

مۇزداتقىشتىڭ تازالىعىن باقىلاپ، ريەۆيزيا جۇرگىزۋ ەرىكتىلەرگە تاپسىرىلماق.

قوعامدىق مۇزداتقىشقا شيكى ەت، بالىق جانە جۇمىرتقا سالۋعا بولمايدى. سونداي-اق ارتىق تاعامداردى وتكىزەتىن ادام نەنى قاشان سالعانىن دا ارنايى جاپسىرىلعان داپتەرگە تىركەۋى مىندەتتى.

«سپاسيبو!» قايىرىمدىلىق دۇكەنىنە ورناتىلعان قوعامدىق مۇزداتقىشتىڭ سالتاناتتى تۇردە اشىلۋى 13 قاراشاعا جوسپارلانعان.