اقش-تا ءار جىلى قاراشا ايىنىڭ ءتورتىنشى بەيسەنبىسى العىس ايتۋ كۇنى رەتىندە مەرەكەلەنسە، ودان سوڭعى جۇما كۇنىندە «قارا جۇما» رەتىندە جەڭىلدىك ناۋقانى ءداستۇرى قالىپتاسقان. كەزەكتى جەڭىلدىك كۇنىندە امەريكالىقتار دۇكەندەرگە انتالاي جۇگىردى.
جەڭىلدىكتەردەن قاپى قالماۋ ءۇشىن بىر-بىرىمەن جارىسقان تۇرعىندار قالاۋىنداعى زاتتاردى الۋ ءۇشىن ءتىپتى دۇكەندەردىڭ سىرتىندا ۇزىن-ۇزىن كەزەكتەرگە تۇرعان.
باتىس ەلدەرىندەگى «Black Friday» ناۋقانىندا دۇكەندەر عانا ەمەس، ينتەرنەت ارقىلى ساۋدا ىستەيتىن بيزنەس يەلەرى دە ءبىر اۋىزدان قوماقتى تۇردە جەڭىلدىك جاسايدى. ولار ادەتتە 30%-دان باستاپ 90%-عا دەيىنگى جەڭىلدىكتەر. ايتا كەتسەك، قازاقستاندا بيىل بۇل ۇردىسكە ىلەسۋشىلىك بايقالا قويمادى.
