كۋبا ريەۆوليۋسياسىنىڭ ليدەرى فيدەل كاسترو قايتىس بولدى. 90 جاسىندا ومىردەن وزعان الەمدىك ساياساتكەردىڭ قازاسىن كۋبا مەملەكەتتىك تەلەارناسى ەستىرتتى.

كۋبا توڭكەرىسشىسى، مەملەكەتتىك ساياسي قايراتكەر فيدەل الەحاندرو كاسترو رۋس كۋبانىڭ شىعىس بولىگىندەگى بيران قالاسىندا 1926 جىلى 13 تامىزدا تۋعان.  

وتباسى - وريەنت پروۆينسياسىنداعى ءىرى قانت پلانتاسياسىنىڭ يەلەرى بولعان.

جاستايىنان بىلىمگە قۇشتار  فيدەل كاسترو 1945 جىلى گاۆان ۋنيۆەرسيتەتىنە وقۋعا تۇسەدى. قۇقىق سالاسىن جەتىك مەڭگەرگەن ول ستۋدەنتتىك جىلداردا ساياسي قىزمەتكە بەلسەنە ارالاسادى.

كۋبالىقتار ءۇشىن كوشباسشى فيدەل كاسترونىڭ تۋعان كۇنىن اتاپ ءوتۋ  ۇلتتىق مەرەكە اينالعان.

1963 جىلدىڭ 23 مامىرىندا فيدەل كاسترو كەڭەس وداعىنىڭ باتىرى اتاعىن الدى.

ول، 16 اقپان 1959 جىل — 24 اقپان 2008 جىل كۋبا مينيسترلەر كەڭەسىنىڭ 15ء-شى ءتوراعاسى بولدى.

2 جەلتوقسان 1976 جىل — 24 اقپان 2008 جىل كۋبا مەملەكەتتىك كەڭەسىنىڭ تۇڭعىش ءتوراعاسى بولدى.

كۋبانىڭ باسشىلىعىنا 1959 جىلى كەلگەن ول، مەملەكەتتى اتتاي 50 جىل باسقارعان. ف. كاسترو ءوزىنىڭ دەنساۋلىعىنا بايلانىستى 2008 جىلى 24 اقپان كۇنى بيلىكتەن كەتەتىنىن مالىمدەپ، ورنىنا باۋىرى راۋل كاسترو پارلامەنت وتىرىسىندا  تاعايىنداعان بولاتىن.  سوڭعى رەت فيدەل كاسترو بيىل تامىزدىڭ 13ء-ى كۇنى ءوزىنىڭ 90 جىلدىق مەرەيتويىنا ارنالعان سالتاناتتى شاراعا قاتىسقان كەزدە جۇرتقا كورىنگەن.

«ەگەر ەل باسقارۋدىڭ جاۋاپكەرشىلىگىن بۇدان ءارى دە ءوز موينىما ىلسەم، وندا مەنىڭ مۇنىم ءوز ار-ۇياتىما، ءوز ابىرويىما كىر كەلتىرۋ بولىپ تابىلار ەدى. ويتكەنى مەنىڭ ءقازىر دەنساۋلىعىم جوق. قارتايدىم، اۋرۋ-سىرقاۋمىن…» دەگەن ەدى ف. كاسترو.