شىمكەنتكە چيلي رەسپۋبليكاسىنىڭ قۇرمەتتى كونسۋلى لەونيدوم شەينگەزيحتوم كەلدى. بۇل تۋرالى شىمكەنت قالاسى اكىمىنىڭ باسپا ءسوز قىزمەتى حابارلادى.

ەكى جاقتى كەزدەسۋ بارىسىندا شەتەلدىك قوناق ءچيليدىڭ اۋىل شارۋاشىلىعى،  مەديسينالىق تەحنيكانى ءوندىرۋ، توپىراق رەسۋرستارىن جانە ءتۋريزمدى دامىتۋ، ءوندىرۋ كەزىندە پايدالانىلاتىن وڭدەۋ زاۋىتتارىن سالۋ، ەكونوميكالىق جانە ينۆەستيسيالىق مۇمكىندىكتەرى تۋرالى اڭگىمەلەپ بەردى. سونداي-اق، قازاقستان-چيلي اراسىنداعى تەحنولوگيا نارىعىن قولدانۋ جونىندە مىسالدار كەلتىردى.

ءوز كەزەگىندە، قالا اكىمىنىڭ ورىنباسارى قايرات نۇرتاي مەن اپپارات باسشىسى راشيد ايۋپوۆ شىمكەنت قالاسىنىڭ اگرورلىق سالاداعى بولاشاق مۇمكىندىكتەرى تۋرالى ايتىپ، ءىرى كاسىپورىندار ءوز تاۋارلارىن ەكسپورتتاۋعا قابىلەتتى ەكەندىگىن تىلگە تيەك ەتتى. كەزدەسۋ بارىسىندا قالا ىرگەسىندەگى قورعاسىن-فوسفات قالدىقتاردى قورتۋ جۇمىستارىنا شەتەلدىك مامانداردى شاقىردى.

سونىمەن قاتار، چيلي رەسپۋبليكاسىنىڭ قۇرمەتتى كونسۋلى لەونيدوم شەينگەزيحتوم شىمكەنت پەن اريكا قالالارى اراسىندا ەكونوميكالىق ىنتىماقتاستىق قارىم-قاتىناستى دامىتۋعا شاقىردى.

بۇعان دەيىن حابارلاعانىمىزداي، وسى اپتادا شىمكەنت قالالىق اكىمدىگى سونداي-اق گەرمانيادا كەلگەن ينۆەستورلاردى قابىلداعان بولاتىن. بيىل ءساۋىر ايىندا وبلىس ورتالىعىندا «شىمكەنت» اكك» ۇلتتىق كومپانياسى» اكسيونەرلىك قوعامى مەن وقو اكىمدىگىنىڭ قولداۋىمەن «Ontustik Invest - 2016» حالىقارالىق ينۆەستيسيالىق فورۋمى ءوتتى.فورۋم بارىسىندا وتكەن ىسكەرلىك كەزدەسۋلەردىڭ ناتيجەسىندە وقو تەرريتورياسىندا ماشينا جاساۋ، اگرو-ونەركاسىپتىك كەشەن، فارماسيەۆتيكا، تەكستيل جانە لوگيستيكا سالالارى بويىنشا ءبىرقاتار ينۆەستيسيالىق جوبالاردى جۇزەگە اسىرۋ بويىنشا جالپى سوماسى 830 ملرد تەڭگەنى (2 451،5 ملرد. اقش دولل)  قۇرايتىن 41 مەموراندۋمعا قول قويىلدى. وسى ينۆەستيسيالىق جوبالار «ۇدەمەلى يندۋستريالدى يننوۆاسيالىق دامۋ»، «بيزنەستىڭ جول كارتاسى 2020» باعدارلامالارىن جۇزەگە اسىرۋعا زور سەرپىن بەرەدى دەگەن سەنىم بار. بۇگىندە وڭتۇستىك قازاقستان وبلىسى ينۆەستيسيا تارتۋ بويىنشا رەسپۋبليكادا كوش باسىندا تۇرعان ءوڭىر سانالادى.