وڭتۇستىك قازاقستان وبلىسى اگرارلى ايماق ەكەنىن ەسكەرە وتىرىپ، اۋىل شارۋاشىلىعىنىڭ دامۋىنا ەرەكشە نازار اۋدارىلۋدا. سالانى قولداۋعا جالپى 29 ملرد. تەڭگە باعىتتالىپ وتىر. ەگىس كولەمىن ۇلعايتۋ، يەسىز جەرلەردى يگەرۋ، زاماناۋي تەحنولوگيامەن تامشىلاتىپ سۋعارۋ ءادىسىن كەڭىنەن ەنگىزۋ، جىلىجاي جانە قارقىندى باۋ قۇرىلىستارى، مال باسىن اسىلداندىرۋ بويىنشا جۇمىستار جۇرگىزىلۋدە.

ءبىرىنشى جارتىجىلدىقتىڭ قورىتىندىسىمەن اۋىل شارۋاشىلىعى جالپى ءونىم كولەمى 123 ملرد.تەڭگەنى قۇراپ، 2 پايىزعا ارتتى. ەگىس كولەمى وتكەن جىلدان 13 مىڭ گەكتارعا ارتىپ، 788 مىڭ گەكتاردى قۇرادى. سۋارمالى 466 مىڭ گەكتار جەردىڭ 93 پايىزى يگەرىلۋدە (434 مىڭ گا). اعىمداعى جىلى داندىك جۇگەرىدەن 108،4 مىڭ توننا، كوكونىستەن 811 مىڭ توننا، باقشادان 1 252 مىڭ توننا، كارتوپتان 195 مىڭ توننا، ماساقتى داقىلداردان 470 مىڭ توننا ءونىم جينالدى. العاش رەت بيدايدىڭ ورتاشا ونىمدىلىگى 22 سەنتنەردى قۇراپ (2015 ج. – 17،8 س/گا)، رەكوردتىق ءونىم الىندى.

تامشىلاتىپ سۋعارۋ ءادىسى قوسىمشا 6000 جۋىق گەكتارعا ەندىرىلىپ، جالپى كولەمى 49،7 مىڭ گەكتارعا جەتتى (رەسپۋبليكاداعى ۇلەسى 73 پايىز).

جىلىجايلار قوسىمشا 72 گەكتارعا سالىنىپ، جالپى 1 098 گەكتارعا جەتتى (رەسپۋبليكاداعى ۇلەسى 87 پايىز). وسى جىلىجايلاردان 80 مىڭ توننا كوكونىس ونىمدەرى جينالدى. تەرەڭ قوپسىتۋ تەحنولوگياسى 89 مىڭ گەكتارعا ەنگىزىلدى. جىل باسىنان فەرمەرلەرگە «ىرىس» قارجىلاندىرۋ ۇيىمى ارقىلى تومەنگى پايىزبەن 486 جوبانى قارجىلاندىرىلۋعا 1،2 ملرد. تەڭگە كولەمىندە نەسيە بەرىلدى. «سىباعا»، «التىن اسىق»، «قۇلان» باعدارلامالارىمەن 35 مىڭنان اسا مال باسى ساتىپ الىندى. 4000 استام ۇساق شارۋاشىلىقتاردى بىرىكتىرەتىن 47 كووپەراتيۆتەر قۇرىلىپ، 9 متس اشىلدى.

http://adym.kz/