ءوڭتۇستiك قازاقستان وبلىسىندا 2016 جىلدىڭ 9 ايىندا ونەركاسiپ سالاسىندا 574،2 ملرد. تەڭگەنiڭ ءونiمi ءوندiرiلدi.

          باسپا ءسوز مالىمەتتەرىنە قاراعاندا، وتكەن جىلدىڭ تيiستi كەزەڭiمەن سالىستىرعاندا ناقتى يندەكس كولەمi 104،9 پايىزعا ارتتى. ونەركاسiپتiڭ iشiندەگi تاۋ-كەن ءوندiرiسiندە 171،6 ملرد. تەڭگەنiڭ ءونiمi شىعارىلدى. جالپى، ونەركاسiپتەگi ۇلەس سالماعى 61،2 پايىزعا تەڭ وڭدەۋ سالاسىندا ءوندiرiلگەن ءونiم كولەمi 351،7 ملرد. تەڭگەگە جەتتi. اسا ماڭىزدى ءونiمدەردiڭ iشiندە 22 092،1 مىڭ شارشى مەتر ماقتا ماتالارى، 13306 توننا ماقتا تالشىعى، 3748 مىڭ توننا مۇناي ءونiمدەرi، 1 946،8 مىڭ توننا پورتلاندسەمەنت جانە 779 ملن. كۆت/ساع. ەلەكتر قۋاتى ءوندiرiلدi. ءوڭتۇستiك ەكونوميكاسىن قۇراۋشى باستى سالا اۋىل شارۋاشىلىعى دەسەك، بۇل سالادا 319،6 ملرد. تەڭگەنiڭ ءونiمi ءوندiرiلدi. اگرارلى ءوڭiردە اۋىل شارۋاشىلىعى ءوندiرiسi دە جىلدان-جىلعا ارتىپ كەلەدi. وتكەن جىلعى جانە بيىلعى 9 ايلىق كورسەتكiشتەردi سالىستىرعاندا، الىنعان ءونiم كولەمi 0،7 پايىزعا وسكەن. قاڭتار-قىركۇيەك ارالىعىندا تiرiدەي سالماقتا 146،3 مىڭ توننا ەت، 565 مىڭ توننا ءسۇت، 232،3 ملن. دانا جۇمىرتقا ءوندiرiلدi. بۇل ءونiمدەردiڭ بيىلعى كولەمi بىلتىرعىمەن ەسەپتەگەندە اناعۇرلىم كوپ. ءتورت ءتۇلiك تە جىل ساناپ ءوسiپ كەلەدi. 2016 جىلدىڭ 1 قازانىنداعى ءمالiمەتكە سۇيەنسەك، ءوڭiردە 897،5 مىڭ iرi قارا، 3895،3 مىڭ قوي، 314،6 مىڭ ەشكi، 243،9 مىڭ جىلقى، 24،1 مىڭ تۇيە جانە 2637،6 مىڭ ءۇي قۇسى بار.

 تاۋەلسiزدiكتەن كەيiنگi العاشقى كەزەڭدەردە اۋىل شارۋاشىلىعىنىڭ iشiندە ەگiن شارۋاشىلىعىنىڭ ۇلەسi باسىم بولاتىن. ياعني ءوڭiردە مال ءونiمدەرiنiڭ ءوندiرiسi كۇرت ازايىپ كەتتi. بۇگiندە جاعداي بiرشاما تۇراقتالدى. مال شارۋاشىلىعىن دامىتۋعا باعىتتالعان جۇيەلi جۇمىستاردىڭ ناتيجەسiندە بۇل سالادا iلگەرiلەۋشiلiك پايدا بولدى. قازiرگi تاڭدا ەگiن مەن مال شارۋاشىلىعىنىڭ اراقاتىناسى ونشا الىس ەمەس. ماسەلەن، 2016 جىلدىڭ 9 ايىندا ديقاندار تاپقان تابىس 168،6 ملرد. تەڭگەنi قۇراسا، مال باققان شارۋالار 150،3 ملرد. تەڭگە پايدا ءتۇسiردi.

http://www.inform.kz/