تۇيە شارۋاشىلىعى ەلىمىزدىڭ مال شارۋاشىلىعىنداعى ەڭ تارتىمدى باعىتتىڭ ءبىرى بولا الادى. ءقازىر مەملەكەت 1 ليتر شۇبات وندىرۋگە 55 تەڭگە سۋبسيديا تولەيدى.بۇگىندە تۇيە شارۋاشىلىعىمەن اينالىساتىن قوجالىقتارعا بارىنشا كومەك قاجەت. تۇيەنىڭ ەتىنە، سۇتىنە مەملەكەت تاراپىنان سۋبسيديا بەرىلسە دۇرىس بولار ەدى. جۇمىسىن باستاعالى وتىرعان پالاتا وسى ماسەلەلەردىڭ شەشىمىن تابۋعا اتسالىسادى دەگەن ۇمىتتەمىز. عالىمداردىڭ ءوزى دالەلدەپ وتىر عوي تۇيە ءسۇتىنىڭ بىرنەشە اۋرۋعا ەم ەكەنىن. ەندەشە اۋرۋحانالاردىڭ، مەكتەپتەردىڭ، مەكەمەلەردىڭ مازىرىنە شۇباتتى ەندىرسە دۇرىس بولادى.

               مەن شىمكەنتتەگى تۇيە پالاتاسى اشىلعانىن قولدايمىن. تۇيە تۇقىمىنىڭ تازا قاندى، اسىل تۇقىمدى مالدارىن ساتۋ بويىنشا اۋكسيوندار (بيرجالار)، كورمەلەر مەن جارمەڭكەلەر وتكىزۋدى ۇيىمداستىرۋ دا پالاتانىڭ موينىندا. سونداي-اق، شارۋاشىلىقتاردا قاجەتتى ينفراقۇرىلىمدى ازىرلەۋگە جاردەمدەسۋ، جارعىلىق ماقساتتار مەن مىندەتتەردى جۇزەگە اسىرۋ ءۇشىن ينۆەستيسيالار مەن گرانتتار تارتۋ دا تۇيە وسىرۋشىلەرگە كوپ جاردەم بولارى انىق.
تۇيە تۇقىمى مەن سوعان بايلانىستى بيزنەستىڭ دامۋىنا كومەگىن تيگىزەتىن شەتەل ۇيىمدارىمەن، اتاپ ايتقاندا جاڭا تەحنولوگيالاردى ەنگىزۋ، گەنەتيكانى جاقسارتۋ، تۇيە تۇقىمدارىن تاراتۋ جانە بايلانىستاردى نىعايتۋ بويىنشا بىرىگىپ قىزمەت ىستەۋ، تۇيە تۇقىمدارىن ءوسىرۋ ماسەلەلەرى بويىنشا باسقا ەلدەردىڭ اسسوسياسيالارىمەن بىرىگىپ قىزمەت اتقارۋ دا ناتيجەلى بولارى انىق.
تۇيە تۇقىمىنىڭ ىشكى جانە سىرتقى نارىقتاعى ساۋداسىنىڭ دامۋىنا جاعداي جاساۋ دا پالاتانىڭ الدىنا قويعان ماقساتتارىنىڭ ءبىرى بولىپ تابىلادى.

باقتيار احايەۆ، «ۇسەنوۆ ن» شارۋا قوجالىعىنىڭ ءتوراعاسى