سايرام اۋدانىندا اۋىل شارۋاشلىعىن دامىتۋدىڭ مەملەكەتتىك باعدارلامالارى اياسىندا ءوز كاسىبىن اشۋشىلار جىلدان جىلعا ارتىپ كەلەدى. شارۋاعا بەيىم اۋدان تۇرعىندارى مەملەكەت تاراپىنان جاسالعان جاعدايلار مەن بەرىلگەن مۇمكىندىكتەردى دۇرىس پايدالانىپ، وزىمەن قاتار قورشاعان ورتاسىنداعى ادامداردى دا تۇراقتى جۇمىستارمەن قامتىپ وتىر.
سايرام اۋدانى اكىمدىگىنىڭ سايتى جاريالاعانداي سانسىز باتار مەكەنىندە مەملەكەتتىك باعدارلاملاردىڭ ورىندالۋى تۋرالى مالىمەتتەرگە كوز جۇگىرتسەك، بيىلعى جىلدىڭ العاشقى جارتى جىلدىعىندا «سىباعا» باعدارلاماسى بويىنشا 180 ءىرى قارا مال ساتىپ الىنىپ، جىلدىق تاپسىرما (50 باس) 360 پايىزعا ارتىعىمەن ورىندالعان.
«التىن اسىق» باعدارلاماسى بويىنشا 400 باس انالىق قوي ساتىپ الىنىپ تاپسىرما 133 پايىزعا ورىندالدى. شوپان اتا ءتولىن دامىتۋداعى بيىلعى جوسپار 300 باس بولىپ بەلگىلەن ەكەن.
بيىل 78 شاعىن جانۇيالىق ءسۇت اۋلاسىن اشۋ جوسپارلانعان بولسا، العاشقى التى ايدا تاپسىرما ورىندالىپ، بۇل سالاداعى كورسەتكىش 100 پايىزدى قۇرادى. ياعني، 78 شاعىن جانۇيالىق ءسۇت اۋلاسى اشىلدى. بۇگىنگە دەيىن اۋداندا ولاردىڭ جالپى سانى 154 بىرلىكتى قۇرادى.
اسىل تۇقىمدى مالداردى ساتىپ الۋ، اسىل تۇقىمدى جانە سەلەكسيالىق جۇمىستاردى جۇرگىزۋ، جەكە قوسالقى شارۋاشىلىق تابىنىنا قوسقان اسىل تۇقىمدى بۇقانى كۇتىپ-باعۋ، ءىرى قارا مال جانە قويلاردىڭ انالىق مال باسىن قولدان ۇرىقتاندىرۋ شىعىندارىن 100 پايىزعا دەيىن وتەۋ، قوي، سيىر، جىلقى، تۇيە، شوشقا، قۇس ەتىن، جۇمىرتقا، ءسۇت، قىمىز، بيازى ءجۇندى ءوندىرۋ قۇنىن ارزانداتۋ بويىنشا اۋداندا شارۋالارعا 134 ملن. تەڭگە سۋبسيديا بەرىلدى.
پىكىر قالدىرۋ