«اۋىل» پارتياسىنىڭ وڭتۇستىك قازاقستان وبلىستىق فيليالى «اۋىلدىڭ گۇلدەنۋى – قازاقستاننىڭ گۇلدەنۋى»تاقىرىبىندا جاستار فورۋمىن وتكىزدى. شارا «جاس تولقىن» جاستار قاناتىنىڭ باستاماسىمەن ۇيىمداستىرىلدى.
فورۋمعا «اۋىل» پارتياسىنىڭ وڭتۇستىك قازاقستان وبلىستىق فيليالىنىڭ ساياسي كەڭەس مۇشەلەرى، وبلىستىق ارداگەرلەر كەڭەسى، وبلىستىق ءبىلىم باسقارماسى، وبلىستىق جاستار ساياساتى ماسەلەلەرى جونىندەگى باسقارماسى، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى، وبلىستىق اۋىل شارۋاشىلىعى باسقارماسى، وبلىستىق «ادەت-عۇرىپ جانە ءسالت-داستۇر ورتالىعى»، وبلىستىق جاستار ورتالىعى، شىمكەنت قالاسى ىشكى ساياسات ءبولىمىنىڭ «جاستار رەسۋرستىق ورتالىعى»، «Ontustik» كاسىپكەرلەرگە قىزمەت كورسەتۋ ورتالىعى، «قازاقستان اۋىل جاستار وداعى» كورپوراتيۆتىك قورى، «نۇر وتان» پارتياسىنىڭ «اق جول» پارتياسىنىڭ، قازاقستان كوممۋنيستىك حالىق پارتياسىنىڭ فيليالدارى، جوعارى جانە ورتا ارناۋلى وقۋ ورىندارىنىڭ ستۋدەنتتەرى مەن ب ا ق وكىلدەرى قاتىستى.
ەل پرەزيدەنتى ن.ءا. نازاربايەۆ حالىققا «ماڭگىلىك ەل» ۇلتتىق يدەياسىن جاريا ەتتى.
«اۋىل» پارتياسى ءۇشىن، باستى ماقسات – حالقىمىزدىڭ ءداستۇرلى قۇندىلىقتارىن دامىتۋ، وتانىمىز-قازاقستاننىڭ تاۋەلسىزدىگىن باياندى ەتۋ، «ماڭگىلىك ەلدى» نىعايتىپ، بەكىتۋ» دەپ اتاپ ءوتتى پارتيانىڭ وڭتۇستىك قازاقستان وبلىستىق فيليالىنىڭ ءتوراعاسى قاناتبەك دوسالييەۆ.
ونىڭ ايتۋىنشا، «ەلىمىزدىڭ 8،0 ملن. حالقى نەمەسە 45% اۋىلدا تۇرسا، وڭتۇستىك قازاقستان وبلىسىندا بۇل كورسەتكىش 55% قۇرايدى. (جالپى 2016 جىلدىڭ 1 قاڭتارىنا وقو حالىق سانى 2 840 557، ونىڭ 1 277 356 قالادا تۇرسا، 1 563 201 اۋىلدا تۇرادى.) ياعني حالىقتىڭ تەڭ جارتىسى اۋىلدىق ايماقتاردا تۇرادى. سوندىقتان اۋىلدى دامىتۋ ارقىلى مەملەكەتتىڭ الەۋمەتتىك-ەكونوميكالىق جاعدايىن كوتەرۋگە بولادى.
فورۋمعا قاتىسۋشىلار «قازاقستاندى قارقىندى دامىتاتىن، ەل تاۋەلسىزدىگىن ماڭگى ەتەتىن - ءبىلىمدى ۇرپاق» ەكەنىن باسا ايتتى. «جاستار ءوز وتانىن سۇيەتىن ۇلتجاندى، پاتريوت بولۋلارى كەرەك. پاتريوتيزم ءبىزدىڭ قازاقستاندىق جاستار ءۇشىن ەتنوستاردى بولشەكتەيتىن، جىكتەيتىن، بىر-بىرىنە قارسى قوياتىن كۇش ەمەس، كەرىسىنشە، بىرىكتىرەتىن كۇش رەتىندە قالىپتاسۋى ءتيىس، جانە ولاردىڭ مەنتالدىق بولمىسىندا قاعيدا رەتىندە قالىپتاسۋى قاجەت»- دەيدى ولار.
جاستاردىڭ باسىم بولىگى اۋىلدا تۇراتىندىعىن ەسكەرە وتىرىپ، ولاردىڭ بويىندا ءوز تۋعان جەرىنە دەگەن ماحاببات پەن اتامەكەنىنىڭ كەلەشەگىنە دەگەن جاۋاپكەرشىلىك سەكىلدى قاسيەتتەردى ءسىڭىرۋ ماڭىزدى. وسى ماقساتتا جاستار اراسىندا فورۋم وتكىزۋدىڭ ورنى ەرەكشە.
«اۋىلدىڭ گۇلدەنۋى – قازاقستاننىڭ گۇلدەنۋى» فورۋمىندا مەملەكەتتىك مەكەمەلەر، قوعامدىق بىرلەستەكتەرمەن بىرلەسىپ، جاستار اراسىندا كوڭىل بولەتىن، بىرىگىپ شەشەتىن كوپتەگەن ماسەلەلەر توڭىرەگىندە ءسوز قوزعالدى. ولار:
- اۋىل ينفراقۇرىلىمىن دامىتۋ، جول، تازا اۋىز سۋ، جارىق، گازبەن تولىق قامتۋ ماسەلەلەرىن شەشىپ، قالا مەن اۋىل اراسىنداعى الشاقتىقتى تومەندەتۋ؛
- اۋىلداردا كىشى جانە ورتا بيزنەستى دامىتۋدى بەلسەندى تۇردە جۇرگىزۋ؛
- اۋىل جاستارىنىڭ ءبىلىم دەڭگەيىن كوتەرۋ؛
- اۋىل جاستارىنىڭ سالاۋاتتى ءومىر سالتىن قالىپتاستىرۋعا ىقپال جاساۋ؛ ياعني سپورت كەشەندەرى مەن مادەنيەت ۇيلەرىنىڭ جۇمىسىن جانداندىرۋ؛
- اۋىل جاستارىنىڭ مادەنيەتىن كوتەرۋ جانە تاسادا قالىپ جاتقان تالانتتى جاستاردى قولداۋ ماكساتىندا كونكۋرس، جوبالاردى ىسكە اسىرۋ باعىتتارىندا ءوربىدى.
دوڭگەلەك ۇستەلدى وتكىزۋدىڭ ماقساتى: جاستاردىڭ تۋعان اۋىلىن كوركەيتۋگە، وتانىن، ەلىن سۇيۋگە، ولاردىڭ پاتريوتتىق سەزىمدەرىن قالىپتاستىرۋعا ىقپال جاساپ، ەلىمىزدىڭ وسىپ-وركەندەۋ جولىندا ۇلەس قوسۋعا تارتۋ. سونمەن قاتار، اۋىل مادەنيەتىن كوتەرىپ، قازىرگى زامانعى مىقتى جانە باسەكەگە قابىلەتتى اۋىل شارۋاشىلىعىن وركەندەتۋ، اۋىلدىڭ گۇلدەنىپ، كوركەيۋىنە ات سالىسۋ بولىپ تابىلادى.
http://auyl.kz/
پىكىر قالدىرۋ