بۇگىن شىمكەنت قالاسىنداعى «قازىنا» ەتنو-تاريحي كەشەنى اۋماعىندا وڭىردەگى ءتۇرلى ەتنومادەني بىرلەستىكتەردىڭ ءتوراعالارى مەن بەلسەندى مۇشەلەرى اعاش كوشەتتەرىن وتىرعىزدى.

ەتنوس وكىلدەرى بۇل باستامانى وبلىس اكىمى، وقو قازاقستان حالقى اسسامبلەياسىنىڭ ءتوراعاسى جانسەيىت تۇيمەبايەۆتىڭ ۇلىسىمىزدىڭ ۇيىتقىسى وڭتۇستىكتى جاسىل جەلەككە اينالدىرۋ تۋرالى بايىپتى باستاماسىنا قولداۋ ءبىلدىرۋ دەپ ايتادى. ەستەرىڭىزگە سالا كەتسەك، قالا باسشىسى شىمكەنتتى كوگالداندىرۋ ۇلكەن  مىندەت ەكەنىن، بۇل ءۇشىن بارلىق قۇرىلىمدار بىرىگە جۇمىس ىستەۋ كەرەكتىگىنە ەرەكشە توقتالعان بولاتىن.

ەل تاۋەلسىزدىگىنىڭ 25 جىلدىعىنا ارنالعان يگى شاراعا وبلىستىق اسسامبلەيا حاتشىلىعىنىڭ مەڭگەرۋشىسى م.قالمۇراتوۆ، وقو قحا جانىنداعى قوعامدىق كەلىسىم كەڭەسىنىڭ ءتوراعاسى و.راحمانبەردييەۆ قاتىسىپ، بۇل باستاما الداعى ۋاقىتتا دا ءوز جالعاسىن تاۋىپ، قالا تۇرعىندارىن قۋانتامىز دەگەن ويىن جەتكىزدى.

شاراعا اتسالىسقان اسسامبلەيا مۇشەلەرى كوشەت وتىرعىزعان ايماقتى «دوستىق اللەياسى» دەپ اتاۋ جونىندە ۇسىنىس ءبىلدىردى. راسىندا 130-دان استام ۇلت وكىلدەرى مەكەندەگەن قازاقستانداعى اۋىزبىرشىلىكى،، بىرلىك بارشاعا ۇلگى ءارى ونەگە. سوندىقتان بۇلاي اللەيانى اتاۋ دا وتە ورىندى دەپ تۇسىنەمىز.

ەتنوستاردى قوعامدىق باستامالارعا ۇيىستىرۋ، قازاقستاندىق بىرتەكتىلىك پەن بىرلىكتى نىعايتۋ، ءپاتريوتيزمدى دامىتۋ، حالقىمىزدىڭ رۋحاني-مادەني ورتاقتىعى نەگiزiندە قوعامدىق كەلiسiمدi قامتاماسىز ەتۋدى ماقسات ەتكەن يگى شارا الداعى ۋاقىتتا دا جالعاسىن تاپپاق.