كولۋمبيانىڭ مەدەللين قالاسىنىڭ ماڭىندا برازيليانىڭ «شاپەكوەنسە» (شاپەكو) فۋتبول كومانداسى مىنگەن جولاۋشىلار ۇشاعى اپاتقا ۇشىراپ، سالدارىنان 81 ادام قازا تاپتى. اقپاراتقا سايكەس، LAMIA Airlines كومپانياسىنىڭ لاينەرىمەن ۇشقان 81 ادامنىڭ 72ء-سى جولاۋشى، ال قالعان 9 ادام ەكيپاج مۇشەسى بولعان. ۇشاقتاردىڭ اۋەدەگى جاعدايىن باقىلايتىن ءبىرقاتار سايتتىڭ حابارلاۋىنشا، ۇشاق ەكيپاجى بايلانىس ۇزىلەر الدىندا بورتتا توتەنشە جاعداي جاريالايتىنى تۋرالى ديسپەچەرگە بايانداعان. وقيعاعا بايلانىستى مەدەللين قالاسىنىڭ مەرى اپات بولعان جەرگە اتتاندى. ءبىرقاتار ب ا ق تاراتقان اقپاراتقا سايكەس، ۇشاق اپاتىنان ءتىرى قالعاندار بار ەكەن. كولۋمبيا پوليسياسى 75 ادامنىڭ قايتىس بولعانىن ناقتىلادى.

ۇشاقتاردىڭ اۋەدەگى جاعدايىن باقىلايتىن ءبىرقاتار سايتتىڭ حابارلاۋىنشا، ۇشاق ەكيپاجى بايلانىس ۇزىلەر الدىندا بورتتا توتەنشە جاعداي جاريالايتىنى تۋرالى ديسپەچەرگە بايانداعان. وقيعاعا بايلانىستى مەدەلين قالاسىنىڭ مەرى اپات بولعان جەرگە اتتاندى. 

اپات بولعان ۇشاقتاعى  فۋتبولشىلاردىڭ جالپى ەكونوميكالىق قۇنى 24 ميلليون ەۋروعا باعالانعان. قۇرامانىڭ ەڭ قىمبات ويىنشىسى 31 جاستاعى Marcos Danilo Padilha. 1.85 مەترلىك بويى بار قاقپاشىنىڭ جەكە قۇنى 1.75 ميلليون ەۋرو.

جەدەل جاردەم مەن قۇتقارۋشىلار اپات ورىن العان جەرگە شىعىپ كەتتى. ۇشاقتىڭ نە سەبەپتەن قۇلاعانى ءالى بەلگىسىز.