ءار ەلدىڭ جازىلماعان زاڭى مەن داستۇرلەرى بولادى. ءبىراق، ينديا – ەڭ ەرەكشە جانە باسقا الەمنەن قۇپيالارىن جاسىرۋشى جۇمباق مەملەكەت. بۇل جەردە ءالى كۇنگە دەيىن ادام ساۋداسىمەن اينالىسادى، ەسىرتكى قولدانا وتىرىپ، قۇدايلارىنا مانترا وقيدى، ال ءومىر بويى تۇرىپ تۇراتىن موناحتاردى دا تەك وسى ەلدەن كورە الاسىز.
ءۇندىستان – ءار ءتۇرلى كەراعارلىقتىڭ مەملەكەتى، بۇل تۋرالى ءار ساياحاتشى بىلەدى.
قۇلدىق – ءومىر ءسۇرۋ ءۇشىن
ءبىزدىڭ قازىرگى تانىمىمىزدا بۇل ءسوز قولدانىلمايدى. الايدا قاراپايىم ادامعا جۇمىسقا تۇرۋ قانشالىقتى ماڭىزدى بولسا، بۇل جاقتاعى مىڭداعان ادامدار ءۇشىن قۇلدىققا سالىنۋ سونشالىقتى ماڭىزدى. كوبىنە مۇنداي ادامدار – ءتىرى قالۋ ءۇشىن كۇرەسەتىن، قۇلساتارلار بولماسا، اشتىق پەن اۋرۋدان ولەتىن كىشكەنتاي بالالار.
جەتىم قالعان كوپتەگەن بالالار بىرنەشە مىڭ كيلومەتردى وزدىگىمەن وتكەرىپ، قۇل ساتاتىن بازارعا قاراي جول جۇرەدى. ول جاقتا ولاردى باعالاپ، جاعدايى بار ادامدار ساتىپ الادى.
قالانىڭ لاس اۋداندارى وزدەرىنىڭ ەڭ قورقىنىشتى قۇپيالارىن سىرت كوزدەن تاسا ۇستايدى. كەدەيلىك پەن لاس جەردەن ارىلۋ مۇمكىن ەمەس جاعدايدا، ساۋدا ورىستەي باستايدى – ادام ساۋداسى. باستى جانە جالعىز تاۋار كوزى– ادام، بالا ساۋداسى.
بۇلار ءۇندىستاننىڭ ءارتۇرلى شتاتتارى مەن نەپال ايماقتارىنان اشتىق پەن ەپيدەميادان، جۇگەنسىزدىك پەن قۋاڭشىلىقتان قۇتىلۋ ءۇشىن قاشىپ كەلگەن بالالار.ولارعا ءومىر بويى جالشى بولۋ جازىلعان. ۇلدار ساتىپ الۋشىلارعا كۇشى مەن شيراقتىلىعىن كورسەتەدى، ال بۇعاناسى قاتپاعان قىزدار ۇلكەندەردىڭ ءبيى ارقىلى ايەلدەردىڭ بار سۇلۋلىعىن كورسەتۋگە تالپىنادى. تاۋاردىڭ جارتىسى ءۇندىستاندا قالسا، جارتىسى اراب امىرلىگىنە، كۋۆەيتقا جانە پارسى شىعاناعىنداعى باسقا ەلدەرگە جىبەرىلەدى.
بۇل ادامگەرشىلىككە جات اششى شىندىقتىڭ نەگىزى قىزدار مەن ۇلدار ءالى دە ءتىرى ەكەنىنەن تۇرادى. ويتكەنى بۇلاردىڭ ءارقايسىسىنا ازاپتى ولىممەن قايتىس بولاتىن جۇزدەگەن بالالار كەلەدى. ءوز ىرقىمەن قۇلدىققا سالىنۋدان باسقا ءۇندىستاندا زورلىقپەن قۇلدىققا ماجبۇرلەۋ ءۇشىن بالالاردى ۇرلاۋ دا ءورشىپ تۇر. ولاردىڭ كوبى قىزدار.
قاراسورانى جاراتۋشى قۇداي – بۋم، شيۆا
ءۇندىستاندا ءجۇرىپ، جالعىز نەمەسە توپ قۇرعان ادامداردىڭ جينالىسىن كورۋگە بولادى. قۇدايعا ارناپ مانترا وقىپ جاتىپ، تەمەكى يىسىنە ۇقساس تۇتىكشەلەردى شەگىپ وتىرادى.
بۇلار شيۆ قۇدايىن ءپىر تۇتاتىن شيۆايتتار مەن شايۆتار. ونىڭ مۇنداي ەرۋشىلەرى، سونداي-اق، شيۆ عيباداتحاناسىنىڭ ءدىن قىزمەتكەرلەرى قاراسورانى كۇن سايىن قولدانادى.
ءۇندىستاندىق شيۆ قۇدايى – ەجەلگى ءدىني بولمىس، قيراتۋشى مەن جاراتۋشىنىڭ قۇدايى. اڭىز بويىنشا، تاڭعاجايىپ قۇس شيۆكە قاراسورانىڭ جاپىراقشاسىن اكەلىپ بەرەدى. قولدانعان سوڭ، ادامداردىڭ يگىلىگى ءۇشىن، ادامداردى راقاتقا بولەۋ ءۇشىن بۇل وسىمدىكتى جەرگە تۇسىرۋگە بۇيرىق بەرەدى. قاراسورانى شيۆايزم عانا ەمەس، تانترا مەن ۆيشنا قۇدايلاردىڭ ەرۋشىلەرى دە قولدانىپ كەلەدى. بۇل ءدىني عۇرىپتار ءۇندىستاننىڭ باسقا ايماقتارىندا دا وركەن جايعان.
ءۇندىستاندا ماريحۋانا شەگۋ ءۇشىن ارنايى راسىمدەر بار. بارلىق قاتىسۋشىلار چيللۋم مەن چيليم دەپ اتالاتىن ارنايى تۇتىكشەلەر ارقىلى ناركوتيكالىق ءتۇتىندى كەزەك-كەزەك تارتىپ الادى. چيللۋمدى شەكپەي تۇرىپ، قاراسورانى جاراتقانى ءۇشىن شيۆانى ماداقتايتىن مانترالار ايتىلادى: «بۋم بۋلينات ساب كي سات، بۋم شيۆا، بۋم شانكارا، بۋم!» جانە مۇنىڭ باسقا دا راسىمدەرى بار. ولاردىڭ ماعىناسىن شيۆايتتاردىڭ وزدەرى عانا بىلەدى. ماريحۋانا بۇل ەلدە زاڭداستىرىلماعان، الايدا شايۆتار دا، باسقا دا اۋەسقويلار مەملەكەت تاراپىنان ەشقانداي قۋعىنعا ۇشىرامايدى.
ءۇندىستاندا ماريحۋانادان باسقا پسيحوتروپتى ەسىرتكىلەردى ارزان باعادا كوشەلەر مەن اتاقتى ترانستى كەشتەردە وڭاي قولعا تۇسىرۋگە بولادى. ترانستى كەشتەر كوبىنەسە گوا شتاتىندا وتەدى. ونى جەرگىلىكتى پوليسەيلەرمەن قوماقتى اقشاعا كەلىسىپ وتكىزەدى. مۇنداي ساۋىق كەشتى وتكىزەتىن ادامدار بەيرەسمي تۇردەگى، حيپپي مەن فريكي كيىمىندەگى ادامدار. ولار ءتۇنى بويى گيپنوستيكالىق ترانستى اۋەندەرگە بيلەيدى. دەمالۋ ورنى رەتىندە ماتراستار قاراستىرىلعان. ول جەردە ءۇندىستاندىق اجەيلەر ءشاي قايناتىپ، دامدەۋىش قوسىلعان ءشاي ساتادى. كەشتى شىبىنجۇت تۇرىندەگى سۋرەتتەر، باسقا پلانەتالىق بولمىستار ارلەيدى.
ءومىر بويى تۇرىپ تۇرۋ
الەمدە ءتۇرلى تىيىمدار مەن سەنىمدەر بار. ولاردىڭ باستى ماقساتى – رۋحاني سەرگەكتىك تابۋ. ءۇندىستانداعى تۇرىپ تۇراتىن موناحتاردىڭ سەنىمى بەرىك بولعانىمەن، ازاپقا تولى. انتتى قابىلداعان موناح ءومىر بويى ۆريكاسان كەيپىندە تۇرىپ تۇرۋى قاجەت، ياعني اعاش سياقتى – ۇنەمى ءتۇزۋ. تابيعاتپەن بۇلاي تايتالاسۋ موناحتىڭ اياعىن ءىسىندىرىپ جىبەرۋگە اكەلەدى. كوپ جىلدان كەيىن اياعى جىڭىشكەلەنىپ، قۇرعاقتانا باستايدى. قارتايعان جانە حال ۇستىندەگى اعاش سياقتى. تۇرىپ تۇراتىن موناحتار دا ءدال سولاي. ولار تۇرىپ تاماق جەيدى، تۇرىپ ءشاي ىشەدى، تۇرىپ جالبارىنادى، تۇرىپ ءان ايتادى، ءتىپتى، تۇرىپ دارەت سىندىرادى. ۇيىقتاعان كەزدە قۇلاپ قالماۋ ءۇشىن ولار تىگىنەن ۇستاپ تۇراتىن باۋ تارتىپ قويادى.
تۇراتىن موناحتاردىڭ سەنىمىن ۇستانۋشى الەم بويىنشا بىرنەشە ءجۇز ادامداردى عانا قامتيدى. ولاردىڭ كوبىسى ءۇندىستاندا جانە كوپ بولىگى مۋمبايداعى تۇراتىن موناحتاردىڭ عيباداتحاناسىندا. بۇل عيباداتحانا وتە كوپ جىلدان بەرى بار، الايدا مۇندا كەلۋشىلەردىڭ كوبىسى بۇل عيباداتحانانى بىلە بەرمەيدى. بىلسە دە، كوبىسىنىڭ كەلۋگە جانە كورۋگە قۇلقى بولمايدى. بۇل عيباداتحاناعا كەلۋدىڭ ءوزى ناعىز ازاپ. بۇل جەر بەينەت پەن قاسىرەتكە تولى. وز-وزدەرىنىڭ جانىن قيناعان موناحتارعا قاراۋ قيىن. اياقتارىنىڭ قالپى وزگەرىپ، ءتۇرلى جارالارعا اينالعان. ءتىپتى، ساۋساقتارىن ارەڭ كورەسىڭ. تەك ازداعان موناحتار عانا كوپ جىلدار بويعى سىنداردان ءوتىپ، اياعى جىڭىشكەلىپ قالاتىن كەزەڭگە جەتكەن. مۇنداي جاعدايدا ادامعا ءتىپتى بىر-ەكى قادام جاساۋدىڭ ءوزى مۇڭ بولىپ قالادى. ءبىر ورنىندا ماڭگى تۇراتىن اعاش بەينەسى ورىندالدى.
ءۇندىستانداعى تۇرىپ تۇراتىن موناحتاردىڭ مادەنيەتىندە دە ماريحۋانانى ۇزدىكسىز قولدانادى. ول جانىن قيناعان ازاپپەن كۇرەسۋگە كومەكتەسەدى. سونىمەن قاتار، تۇرىپ تۇراتىن موناحتار ءار سەكۋند سايىن ەشقاشان باسىلمايتىن اۋرۋدى، ازاپتى سەزەدى. بۇل ولاردىڭ ساۋساقتارىنان، ارى-بەرى جاي تەربەلگەن قوزعالىستارىنان بىلىنەدى. اياقتان اياققا اۋىسۋ ءۇشىن موناحتار اۋىر ازاپتى باسىنان كەشىرەدى، الايدا ولار ومىرلىك ءبيىن ەندى توقتاتا المايدى.
ءتورت جىلدان كەيىن ۇزدىكسىز تۇرىپ تۇرعاننان كەيىن موناح حارەشۆاري لاۋازىمىن الادى جانە بۇرىنعى ومىرىنە قايتا ورالا الادى. الايدا بۇلاي «قايتىپ كەتۋ» ەشقاشان بولمايدى. بۇل ۇلكەن جۇمباق جانە تىلسىم قۇبىلىس. سەنىم ءۇشىن ءوزىن ازاپقا قيعان ادام وسى سەنىم زاڭدارى بويىنشا قايتا ەركىن ادام بولادى، ءبىراق ءوزىنىڭ ورنىن تاستاپ كەتپەيدى. مۇمكىن، موناح ەرتە مە، كەش پە، ءوزىنىڭ ۋادەسىنىڭ الدىندا شاتتىق پەن سەرگەكتىك تاۋىپ، الەممەن بىرگە باقىت تاباتىن شىعار؟
اۋدارعان: مارال شايحى
