ەل اراسىندا «ءاقجۇنىس» اتانىپ كەتكەن، تانىمال جۋرناليست ساۋلە ابەدينوۆا الماتى قالالىق ىشكى ىستەر دەپارتامەنتىنىڭ مۋزەيىنە باسشى بولىپ تاعايىندالدى، دەپ حابارلايدى kazmuseum.kz سايتى.

ساۋلە ءابىلداحان قىزى ابەدينوۆا 1972 جىلعى 29 قاڭتاردا دۇنيەگە كەلگەن.

ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ تەاتر جانە كينو فاكۋلتەتىن «تەاترتانۋشى، ونەر مەكەمەلەرىنىڭ مەنەدجەرى» ماماندىعى بويىنشا بىتىرگەن. «ونەرتانۋ ماگيسترى» ماگيسترلىك دارەجەسى بار.

ەڭبەك جولىن «قازاق ادەبيەتى» گازەتىندە مادەنيەت ءبولىمىنىڭ مەڭگەرۋشىسى بولىپ باستاعان. ەل اراسىنا «قازاقستان» ۇلتتىق ارناسىنىڭ «ءاقجۇنىس» باعدارلاماسىنىڭ اۆتورى ءارى جۇرگىزۋشىسى رەتىندە كەڭىنەن تانىلدى. كەيىنگى جىلدارى «ءاقجۇنىس-استانا» جۋرنالىن شىعارىپ، عىلىمي قىزمەتپەن اينالىستى. مونوگرافيالىق جيناقتىڭ اۆتورى.

رەسپۋبليكالىق جانە حالىقارالىق شىعارماشىلىق بىرنەشە وداق پەن ۇيىمنىڭ العىس حاتىمەن ماراپاتتالعان.