استاناداعى ادۆوكاتتار القاسىنىڭ ادۆوكاتى جومارت سارمانوۆ ق ر پرەزيدەنتىنىڭ اكىمشىلىگى باسشىسىنىڭ بۇرىنعى ورىنباسارى باعلان مايلىبايەۆتىڭ قاماۋعا الىنعانىنا قاتىستى كەيبىر مالىمەتتەردى ايتتى، دەپ حابارلايدى tengrinews.kz

سويتسەك، ادۆوكات مايلىبايەۆتى قورعاۋعا كەلىسىم جاساپتى. جومارت سارمانوۆ ق ر پرەزيدەنتىنىڭ اكىمشىلىگى باسشىسىنىڭ ەكس-ورىنباسارىنا قاتىستى قىلمىستىق ءىستىڭ قۇپيا تۇردە وتەتىنىن مالىمدەدى.

"ق ر ۇقك باسپا ءسوز قىزمەتىنىڭ باق-قا تاراتقان رەسمي حابارلاماسىنىڭ اياسىنداعى كەيبىر مالىمەتتەردى عانا ايتا الامىن. ءيا، شىن مانىندە ق ر پرەزيدەنتىنىڭ اكىمشىلىگى باسشىسىنىڭ بۇرىنعى ورىنباسارى ب.ا.مايلىبايەۆ ق ر ۇقك تەرگەۋ دەپارتامەنتىنىڭ ق ر قىلمىستىق كودەكسىنىڭ 185-بابىنىڭ 3-بولىگى ("مەملەكەتتiك قۇپيالاردى زاڭسىز جيناۋ، تاراتۋ، جاريا ەتۋ") بويىنشا تەرگەپ جاتقان قىلمىستىق ىستە كۇدىكتى"، - دەدى باعلان مايلىبايەۆتىڭ ادۆوكاتى جومارت سارمانوۆ.

ول ءوز قورعاۋىنداعى ازاماتقا قاتىستى ەكى ايعا قاماۋعا الۋ تۇرىندەگى بۇلتارتپاۋ شاراسىنىڭ تاڭدالعانىن ەسكە سالدى.

"كەيبىر جۋرناليستەرگە جانە وزگە دە تۇلعالارعا، ونىڭ ىشىندە مايلىبايەۆتىڭ ۇستالعانى جانە قامالعانى تۋرالى پىكىر ءبىلدىرىپ، جاساماعان ارەكەتىن جاسادى دەپ، باسقا ىستەرمەن، ناقتىراق ايتساق، ەكس-مينيستر قۋاندىق بيشىمبايەۆتىڭ ىسىمەن بەلگىلى ءبىر بايلانىس تاۋىپ وتىرعان بەلگىلى ساياساتتانۋشىلارعا ەسكەرتكىم كەلەدى. بيشىمبايەۆقا قاتىستى ءىستى باسقا ۆەدومستۆو تەرگەپ جاتىر - سىبايلاس جەمقورلىققا قارسى ءىس-قيمىل ۇلتتىق بيۋروسى. ول قىلمىستىڭ باسقا ءتۇرى بويىنشا كۇدىككە ىلىنگەن - الدىن الا كەلىسىم بويىنشا توپ بولىپ بىرنەشە مارتە اسا ءىرى كولەمدە پارا الدى دەگەن كۇدىك"، - دەپ مالىمدەدى سارمانوۆ.

وسىعان بايلانىستى مايلىبايەۆتىڭ ادۆوكاتى بۇل ەكى ءىستىڭ ءوزارا بايلانىسى جوق ەكەنىن ناقتىلاپ وتىر.

"ەكى ءتۇرلى ادام جانە ەكى ءتۇرلى قىلمىس قۇرامى. ەكى ءتۇرلى قىلمىستىق ءىس، بىر-بىرىمەن بايلانىسپايدى. جوعارى لاۋازىمدى تۇلعالارعا قاتىستى قوعامدى دۇرلىكتىرگەن باسقا قىلمىستىق ىستەرمەن بايلانىسى جوق. مايلىبايەۆتىڭ ىسىندە رەسپۋبليكالىق بيۋدجەتتەن 1،3 ميلليارد تەڭگە جىمقىرىلعانى جايلى ءبىر باق-تا جىلت ەتىپ شىققان جاڭالىق تۋرالى مالىمەت جوق"، - دەدى ادۆوكات.

"باعلان مايلىبايەۆ مەملەكەتتىك قۇپيالارعا بايلانىستى قىلمىستىق قۇقىقبۇزۋشىلىق جاسادى دەپ كۇدىككە ىلىنگەن، بۇل تۋرالى ق ر ۇلتتىق قاۋىپسىزدىك قىزمەتىنىڭ باسپا ءسوز قىزمەتى ناقتى ءارى رەسمي تۇردە حابارلادى. ءتۇرلى بولجام مەن قاۋەسەتتەر، جۋرناليستەر مەن ساياساتتانۋشىلاردىڭ ءتۇرلى بولجامدارى دۇرىس ەمەس جانە كۇدىكتى باعلان مايلىبايەۆقا قاتىستى سوتقا دەيىنگى ءادىل تەرگەۋگە كەدەرگى كەلتىرۋى مۇمكىن، ءسويتىپ، قوعامدا قاتە پىكىر قالىپتاستىرۋى مۇمكىن"، - دەدى جومارت سارمانوۆ.

ەسكە سالايىق، وسىعان دەيىن مەملەكەت باسشىسىنىڭ جارلىعىمەن باعلان مايلىبايەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى قىزمەتىنەن بوساتىلعانى بەلگىلىپ بولعان ەدى. كەيىن ونىڭ قاماۋعا الىنعانى جايلى اقپارات تارادى. ءبىر اپتا وتكەندە مارات ءتاجين پرەزيدەنت اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالعان. سول كەزدە وسى تاعايىنداۋعا قاتىستى پىكىر بىلدىرگەن ساياساتتانۋشى دوسىم ساتبايەۆ ءتاجيننىڭ تاعايىندالۋى پرەزيدەنتتىڭ جاس كادرلاردان كوڭىلى قالعانىن كورسەتەدى دەپ مالىمدەگەن ەدى.