ءانۋار جۇمادىلدايەۆ ق ر قارجى مينيسترلىگىنىڭ قارجىلىق مونيتورينگ كوميتەتىنىڭ ءتوراعاسى قىزمەتىنە تاعايىندالدى. بۇل تۋرالى ق ر قارجى مينيسترلىگىنىڭ تۆيتتەردەگى رەسمي اككاۋنتىندا حابارلاندى.

ءانۋار سەرقۇل ۇلى جۇمادىلدايەۆ 1965 جىلى 22 قىركۇيەكتە قىزىلوردا وبلىسى شيەلى كەنتىندە تۋعان. پ. لۋمۋمبا اتىنداعى رەسەي حالىقتار دوستىعى ۋنيۆەرسيتەتىن (1990)، ماتەماتيك؛ باتىس قازاقستان ينجەنەر تەحنولوگيالىق ۋنيۆەرسيتەتىن (2006) بىتىرگەن، قارجىگەر. 1990 جىلدان — الماتى قالاسى قازكسر گا ماتەماتيكا جانە مەحانيكا ينستيتۋتىنىڭ تاعىلىمداماشى-زەرتتەۋشىسى.

1990 جىلدان — پ. لۋمۋمبا اتىنداعى حدۋ اسپيرانتى. 1992 جىلدان — الماتى قالاسى «فيرما اپاس» ج ش س كوممەرسيالىق ديرەكتورى.

1997 جىلدان — الماتى قالاسى «الاۋگاز» اق باسقارۋشىسى، «اكسەپت-پروفيل» ج ش س ۆيسە-پرەزيدەنتى. 1997 جىلدان — الماتى قالاسى «اپاۋگاز» اق پرەزيدەنتىنىڭ مىندەتىن اتقارۋشى، پرەزيدەنتى.

2005 جىلدان — ورال قالاسىنداعى باتىس قازاقستان وبلىسى بويىنشا سالىق كوميتەتى ءتوراعاسىنىڭ ورىنباسارى. 2008 جىلدان — ق ر قارجى مينيسترلىگى اقپاراتتىق تەحنولوگيالار دەپارتامەنتى اقپاراتتىق-تەلەكوممۋنيكاسيالىق ينفراقۇرىلىم جانە اقپاراتتىق قاۋىپسىزدىك مونيتورينگى باسقارماسى باستىعىنىڭ مىندەتىن اتقارۋشى، باستىعى. 2008 جىلدىڭ جەلتوقسانىنان — ق ر قارجى مينيسترلىگىنىڭ سالىق كوميتەتى الكوگول، تەمەكى جانە ەزگە اكسيزدەلەتىن ەنىمدى اكىمشىلەندىرۋ باسقارماسىنىڭ باستىعى، اكسيزدەردى اكىمشىلەندىرۋ باسقارماسىنىڭ باستىعى.

2009 جىلدىڭ ساۋىرىنەن بەرى ق ر قارجى مينيسترلىگىنىڭ سالىق كوميتەتى تەراعاسىنىڭ ورىنباسارى قىزمەتىن اتقاردى.