"اتىراۋداعى سوتقا بارلىق قازاقستاندىقتىڭ كوڭىلى اۋدى" دەگەن تاقىرىپپەن قوعام قايراتكەرى مۇحتار تايجان ءوزىنىڭ Facebook پاراقشاسىنا  "زاڭسىز ميتينگ ۇيىمداستىردى" دەپ ايىپتالعان ماقسات بوقايەۆ پەن تالعات اياندى تۇرمەدەن بوساتۋعا شىقىرعان جازباسى شىقتى. 

"ماقسات بوقايەۆ پەن تالعات اياننىڭ ىسىندەگى اقيقات ايتىلاتىن كۇن جاقىنداپ كەلەدى. مەن بۇل جىگىتتەردىڭ  تاعى دا تۇرمەگە توعىتىلۋىنان ساقتاعىم كەلەدى. ولار تەمىر توردىڭ ارعى جاعىندا وتىرماۋى ءتيىس. ءبىز باقىلاپ وتىرعان بيلىك پەن قوعام اراسىنداعى جىكتەۋلەر ءورشي تۇسەدى. ەندى بار سەنىمنىڭ ءوزى جوق بولادى.

تەرگەۋ تاراپىنان جاسالعان ىمىرالى ۇسىنىستاردى بىلەمىن. ءيا، ۇسىنىستار شىنىمەن دە بولدى. ولار وكىنۋ، تاۋبەگە كەلۋ مەن كەشىرىم ءوتىنۋدى سۇرامادى. ءبىراق بۇل جىگىتتەر وعان بارمادى. بۇل ولاردىڭ جەكە قۇقىعى.

الايدا ول ءۇشىن ماكس پەن تالعاتتى تۇرمەگە وتىرعىزۋدىڭ قاجەتى جوق. بيلىك قولىنداعى بارلىق ۇيىمداستىرۋشىلىق رەسۋرستاردى ازاماتتىق قوعامنىڭ كوزى اشىق وكىلدەرىنە قارسى قولدانباۋى ءتيىس. ەگەر ءبىرىنشى سىنىپتىڭ وقۋشىلارى ىمىراعا كەلمەسە، 11 سىنىپ وقۋشىلارى ولارعا قارسى كۇش قولدانباۋ كەرەك. ويتپەگەن جاعدايدا بارلىق مەكتەپتىڭ الدىندا كۇلكىگە قالادى.

قازاق ينتەلليگەنسياسى اشىق حات جازىپ، جازباشا تۇردە جەكە كەپىلدەمە بەردى. شەتەلدىك قۇقىققورعاۋشى ۇيىمدار، ءتىپتى باتىس ەلدەرى ەكى ازاماتتى جاقتاپ سويلەدى. سوندىقتان ولاردى تۇرمەگە وتىرعىزۋ ەلدىڭ ىشكى ساياساتىنداعى  باياۋ جىلدامدىقتاعى مينا سەكىلدى بيلىكتىڭ ۇلكەن قاتەلىگى بولۋشى ەدى.

تاعى دا جاقسىلاپ ويلانۋدى سۇرايمىن. ماكس بوقايەۆ پەن تالعات ايان ەركىندىكتە بولۋى ءتيىس! بولدى، بۇل قاقتىعىستى دوعارايىق، سابىر ءتۇبى سارى التىن! كەڭ بولساڭدار، كەم بولمايسىڭدار" دەپ ءسوزىن اياقتادى مۇحتار تايجان.