وڭتۇستىك كورەيالىق فلاگماننىڭ تانىستىرىلىمى 29 ناۋرىزدا وتەدى دەپ كۇتىلۋدە.

Sumsung  كومپانياسى Galaxy S8  تەلەفونىن بيىلعى جىلى ناۋرىزدىڭ سوڭىندا تانىستىرادى دەپ جازدى News18. ول قۇن جاعىنان ءوزىنىڭ امەريكالىق باسەكەلەسى iPhone 7-دەن دە قىمبات بولادى.

بولجام بويىنشا اقىلدى تەلەفوننىڭ بازالىق مودەلى قۇنى $850-دەن باستالادى. ال ساتىلىمعا 24-30 ءساۋىر ارالىعىنان باستاپ شىعادى.  

تەلەفوننىڭ مىنەزدەمەسى تۋرالى الدىن الا اقپارات ونىڭ كىشى مودەلى ەكرانى 5،5 ديۋيم، ۇلكەن ەكرانى 6،2 ديۋيم بولاتىندىعى. ەكران شەتتەرى قيسىق بولادى. سمارتفون پروسەسسورى Snapdragon 835. ءتۇسىرىلىم كامەراسى  12 جانە 8 مەگاپيكسەل. ال،  Galaxy S8 Plus بولسا قوس كامەرالى بولادى.  

16 قاڭتاردا ينتەرنەتتە Samsung Galaxy S8 دەلىنگەن گادجەتتىڭ سۋرەتى تارالدى. ماماندار سۋرەتتىڭ شىنايى ەكەنىن ايتۋدا. فوتودان كورىنەتىندەي گادجەت كورپۋسى مەتالل. ال، ەكرانى قيسىق جاقتاۋعا يە.

بۇعان دەيىن تاراعان اقپاراتتاردا گادجەت اقپان ايىندا MW2017-دەن بۇرىن تانىستىرىلادى دەلىنگەن. Mobile World Congress (ەڭ ءىرى موبيلدىك يندۋستريا كورمەسى جانە ۇيالى بايلانىس وپەراتورلار، ءار ءتۇرلى كونتەنت ساتۋشىلار مەن يەلەر قاتىساتىن كونگرەسس) 27 اقپانعا جوسپارلانعان.